«Arsenal» yana birinçi, «Barsa» «Real»dan masofa saqlamoqda. Hafta öyinlari yakunlari
|19:09 / 20.02.202339 61122 min
Yevropa futbolida dam oliş kunlarida röy bergan asosiy voqealar, gollar va turnir jadvallaridagi vaziyat.
Foto: Global Look PressFoto: Global Look Press
Angliya: «Çelsi» çökmoqda, Klopp esa «Nyukasl»ning sirini biladi
Aston Villa – Arsenal 2:4 Gollar: 1:0 – 5 Uotkins, 1:1 – 16 Saka, 2:1 – 31 Koutino, 2:2 – 61 Zinçenko, 2:3 – 90+3, avtogol Martines, 2:4 – 90+7 Martinelli.
Aston Villa – Martines, Keş, Mingz, Konsa, Moreno (Din, 78), Makginn, Koutino (Remzi, 62), Kamara, Duglas Luis (Dendonker, 67), Buendia (Beyli, 67), Uotkins (Duran, 78).
Arsenal – Remsdeyl, Uayt (Tomiyasu, 79), Gabriel, Saliba, Zinçenko, Çaka (Fabiu Viyeyra, 79), Jorjino, Edegor, Saka, Trossar (Martinelli, 68), Nketia.
Ogohlantirişlar: Saka (45), Duglas Luis (45), Martines (84).
«Arsenal» «MYu» ustidan qozonilgan yorqin ğalabadan keyin (3:2) qora oraliqdan ötdi — Angliya kubogidan çiqib ketdi va APLning uç öyinida atigi bir oçko oldi. Gabriel Jyezussiz qolgan jamoada hujum çiziğida muammolar kuzatilmoqda. Mudofaada ham himoyaçilar raqibning işini osonlaştirmoqda va şanba kungi öyin debyutida Uotkins bundan unumli foydalandi. Bu epizodda himoyaçi forvard bilan yakkama-yakka holatda qolgandi, barçasi maydon markazida töp yöqotilişidan boşlangandi.
Köp ötmay Saka himoyaçidan qaytgan töpni töxtatmasdan darvozaga yöllab, muvozanatni tikladi, ammo «Villa» mehmonlarga muammolar tuğdirişda davom etdi. Birminghemliklar bosimga bardoş berişdi va ajoyib qarşi hujum uyuştirib, Filippe Koutino mavsumdagi ilk golini nişonladi. Stadionga kelgan Tom Henks sevimli jamoasi gollarini nişonlaşi ijtimoiy tarmoqlarda kun mavzusiga aylandi. Bu mavsumda «Villa» tanaffusga hisobdagi ustunlik bilan çiqib ketilgan barça öyinda ğalabani oxiriga qadar saqlab qolgandi.
Ammo bu seriyaga barham berildi. Hisob Zinçenkoning jarima maydoni taşqarisidan bergan zarbasidan oldinroq ham tenglaşişi mumkin edi, ammo darvoza tösini mezbonlar joniga ora kirdi. Öyinning ikkinçi bölimida londonliklar raqib darvozasi tomon 20 ga yaqin zarba yölladi. Hisob 2:2 holatida esa Edegor qulay pozitsiyadan turib deyarli böş qolgan darvozani işğol eta olmadi. Şu bilan birga, mezbonlar ham jarima maydoniga qamalib olmadi va xavfli qarşi hujumlar uyuştirişdi. Ikkinçi bölimda öyinga qöşilgan Beylining zarbasi avval darvozabonning qöllariga, keyin esa darvoza tösiniga tegdi. Yana bir vaziyatda Duran qulay imkoniyatdan foydalana olmadi. Va bu Unai Emeri jamoasidagi oxirgi omadsizliklar emasdi.
Öyinga qöşib berilgan daqiqalar davom etayotganida Jorjino uzoq masofadan bergan zarbasi bilan darvoza tösinini nişonga oldi, töp esa pastga şönğib Emiliano Martinesning boşiga tegdi va darvoza töriga kirib ketdi. Argentinalik darvozabon xatosini tuzatişga harakat qilib, öyinning sönggi daqiqasida burçak zarbasi ijro etilayotgan vaqtda raqib jarima maydoniga yetib bordi. Ammo bu vaziyat Gabriel Martinelli qarşi hujumda böş darvozani işğol etişi bilan yakunlandi. Braziliyalik futbolçi golni urişidan oldin nişonlab yubordi. «Arsenal» yana turnir jadvali peşqadamligiga qaytdi.
Nottinghemdagi öyin ilk daqiqalardan harakat bir tomonlama bölgan köçani yodga solardi. Lekin bu boşi berk köçaga ham öxşardi, «Man Siti» futbolçilari gol urişning yölini qila olişmasdi. Hatto töp darvozaga kirişidan boşqa yöli qolmagandek tuyulgan vaziyatlarda ham. Griliş, Rodri, Holand, Bernardu Silva qulay vaziyatlardan foydalana olişmadi... Va faqat bölim oxirida portugaliyalik futbolçi uzoq masofadan yöllagan zarbasi bilan hisobni oçdi.
Bu öz vaqtida urilgan gol edi, çunki ikkinçi bölimda «şaharliklar» «saxiylik» qilişda davom etişdi. Ular bir neça metr masofadan turib ham Keylor Navasni doğda qoldirolmasdi, vaziyatlarni besamar uzatmalar bilan yöqqa çiqarişardi, ayniqsa Foden tuşunarsiz xatolarga yöl qöydi. Holand raqib xatosidan keyin töpni egallab olib, jarima maydoniga kirib bordi, ammo zarba beriş örniga yiqilib, penalti söradi va heç narsasiz qoldi. Keyingi vaziyatda esa qulay vaziyatdan turib töpni darvoza tösiniga qarab tepdi, qaytgan töpni esa darvozabon gazonda yotgan holatida yana yuqorilatib tepib yubordi. Gundöğanning jarima nuqtasidan darvoza tösini ostiga yöllagan zarbasini Navast tösdi. Öyin yakuniga köra zarbalar böyiça körsatkiç 23 ga 4 nisbatida edi.
Ammo bular hammasi emasdi. «Örmonçilar» himoyaçi Ore jarohat olgaç va-bankka borişdi va uning örniga hujumçi Vud tuşirildi. Aynan yangi zelandiyalik futbolçi Gibbs-Uaytning qanotdan uzatmasidan keyin töpni darvoza töriga joylab, «Siti»ni şokka tuşirdi. Çempionlar yana ta’qib etuvçiga roliga qaytdi.
Bu vaqtda «Çelsi»ning dahşatli tuşi davom etmoqda. YeÇLda Dortmundda uçralgan mağlubiyatdan keyin köklar APL turnir jadvalining sönggi poğonasida borayotgan «Sauthempton»ga öz uyida yutqazib qöydi. «Avliyolar» jamoasini oxirgi örindan Uord-Prouzning unikal talanti olib çiqişi mumkin, uning «jonli devor» ustidan oşirib yöllagan zarbasi Kepaga heç qanday imkoniyat qoldirmadi. Uşbu yarimhimoyaçi yana bir şunday goli bilan APLda jarimadan 18 gol urgan Bekhemning rekordini takrorlaydi.
«Çelsi» 15 yanvardan buyon ğalaba qozonmayapti va beş öyinda atigi bir bor raqib darvozasini işğol etgan. Bu öyin oxirida Aspilikuetaning oğir jarohat olişi Grem Potter jamoasi öyiniga qanday ta’sir körsatişini taxmin qiliş qiyin. Qayçi uslubida zarba berişga harakat qilgan Mara oyoği bilan ispaniyalik himoyaçining boşiga tepib yubordi va futbolçi gazonga qulaşi bilan atrofdagi futbolçilar tibbiy yordam çaqira boşlaşdi. Şifokorlar Aspilikueta atrofida qariyb töqqiz daqiqa örmalaşdi va şundan keyin faxriy futbolçi zambilda maydondan olib ketildi. Uni şifoxonaga yotqizişgan, ammo asosiysi u öziga kelgan va rafiqasi bilan gaplaşgan.
Boy homiylar qöliga ötgan «Nyukasl» Çempionlar ligasi hududida. «Liverpul» — turnir jadvali örtalarida bormoqda. Xuddiki APLda hokimiyat özgargandek, ammo «qarğalar»ni şu kuni hatto öz maydonidagi öyinda ham favorit deyiş qiyin edi. Buni Aleksandr-Arnoldning uzun uzatmasi himoyaçilar ustidan ötib, ularning ortida oçilgan Nunesga yetib borganida va u birga-bir vaziyatdan unumli foydalanganida ham öz tasdiğini topdi. Yana yetti daqiqa ötib Saloh APLning eng işonçli himoyasini doğda qoldirdi va uning uzatmasidan keyin Gakpo darvozabon bilan yakkama-yakka holatga çiqib bordi.
Köp ötmay yana himoyaçilar xatoga yöl qöygaç, bu xatoni yopiş uçun jarima maydonidan çiqib kelgan darvozabon Poup töpni qöli bilan öynadi va birinçi bölim örtalaridayoq kiyim almaştiriş xonasiga yöl oldi. E’tiborli tomoni, bu vaziyatda Saloh öz jamoasi darvozaboni oşirib bergan uzatma uçun kuraşayotgandi — şu kuni Alisson hisob 0:0 ekanida «Liverpul»ni qiyin vaziyatlarda qutqardi. Mezbonlar bir kişi kam bölib qolganidan keyin mehmonlar qatorasiga ikkinçi öyinda ğalaba qozonişi oydinlaşdi.
«Nyukasl» tabiiyki bunga rozi emasdi va tanaffus arafasida faqat tösin mehmonlarga hisobdagi ikki gol ustunligini saqlab qolişga yordam berdi. Öyin oxirlarida esa Alisson Uilsonning hujumidan keyin yana bir bor aql bovar qilmas seyv amalga oşirdi.
Lekin bu natija bilan haqiqiy «Liverpul» qaytgani töğrisida xulosa qilib bölmaydi. Birinçidan, buning uçun muvaffaqiyatli seriya qayd etilişi kerak. Ikkinçidan, bu joriy mavsumdagi ikki mağlubiyatini ham Yurgen Klopp jamoasidan qabul qilib olgan «Nyukasl»ga qarşi öyin edi.
Sönggi ikki turda sakkiz gol urgan «Lester» «Old Trafford»da ham töxtamoqçi emasdi. «MYu» darvozabonida De Xea qiyofasidagi devor borligi jamoaning omadi kelgani edi, u birinçi bölim örtalarigaça tur hit-paradiga kiradigan qator seyvlar amalga oşirdi. «Qizil iblislar» hujum çiziğida esa Reşford öynaydi va öyinda buriliş röy berişi vaqt masalasi edi. Tanaffusga qadar öng qanotda öynagan Markus esa bu pozitsiya unga qulay emasligi haqidagi nazariyani yöqqa çiqardi. U xotirjamlik bilan himoyaçilardan qoçib ketdi va töpni darvoza töriga joylab, bir mavsumdagi samaradorlik böyiça şaxsiy rekordini yaxşilaşda davom etdi.
Ikkinçi bölimda esa uning yaqin masofadan yöllagan zarbasini darvozabon töxtatdi, yana bir zarbasidan keyin urilgan gol esa videotakror aralaşuvi bilan hisoblandi - VAR bu vaziyatda ofsayd xato körsatilganini aniqladi. Reşfordning bu mavsumdagi 24-goli «tulkilar»ni amalda çöktirdi va ularning mudofaasi har ikkinçi hujumda soçilib keta boşladi. Şu kuni mankunianliklar safida boşlanğiç tarkibda 150-öyinini ötkazgan Brunu Fernandeş formasini tiklab borayotgan Sanço bilan «devor» uslubida öynadi va angliyalik hujumçi öz golini urdi. Endi «MYu» va «Siti» orasidagi farq uç oçkogaça qisqardi.
Tottenhem — Vest Hem 2:0
Gollar: Emerson (56), Son (72).
Tottenhem – Forster, Emerson, Dayyer, Langle (Perişiç, 78), Romero, Devis, Hyoyberg, Kulusevski (Moura, 90), Skipp (Sarr, 90), Keyn, Rişarlison (Son, 68).
Vest Hem – Fabianski, Tsoufal, Ogbonna (Jonson, 82), Kerer, Agerd (Fornals, 82), Emerson, Souçek, Rays, Dauns (Binrahma, 72), Antonio (Ingz, 72), Bouen.
Ogohlantirişlar: Skipp (9), Antonio (62), Perişiç (90+3).
Antonio Konte şoşilinç jarrohlik amaliyotidan keyingi ikki haftalik ta’til vaqtida şifokorlarning tavsiyalariga zid ölaroq, «Lester» va «Milan»ga qarşi öyinlarga taşrif buyuriş orqali, öz kuçiga yuqori baho berganini tan oldi. Murabbiy endi qaçon zaxira örindiğiga qaytişi — noma’lum. Hozirça maydon çetida turib «Tottenhem» öyinini Kristian Stellini boşqarmoqda, londonliklar u bilan «Mançester Siti»ni mağlub etişgandi (1:0).
Uning Konte örnini egallaşi yana iş berdi. «Şporlar» ikki mağlubiyatdan keyin «Vest Hem»ni yengişdi, hatto qiyin davrni boşdan keçirayotgan Son Xin Min ham gol urdi. Koreyalik futbolçi zaxiradan öyinga qöşilganidan keyingi uç yarim daqiqa içida Keynning uzatmasini golga aylantirdi, angliyalik futbolçi joriy mavsumda unga törtinçi bor assistentlik qilmoqda. Bu ğalaba evaziga «Tottenhem» «Nyukasl»ni quvib ötib, törtlikka qaytdi. «Qarğalar»da bitta zaxira öyini bor.
Çorşanba kuni qoldirilgan öyinda «Elçe» darvozasiga dubl qayd etgan (4:0) Benzema kiçik şikastlaniş tufayli Pamplonaga kela olmadi, murabbiy uni YeÇLda «Liverpul»ga qarşi keçadigan öyin uçun asraşga qaror qildi. Bu Kroosga ham taalluqli, Karlo Ançelottini esa klublar örtasidagi jahon çempionatida iştirok eta olmagan Kurtuaning darvozaga qaytişi xursand qildi. Birinçi bölimda maydonda röy bergan voqealar esa murabbiyni xuşnud qilmagani aniq va bölim oxirida futbolçilar örtasida ziddiyat yuzaga kelganida italiyalik mutaxassis maydonga çiqib keldi va arbitrlarga e’tirozlarini bildirdi.
Kiyim almaştiriş xonasida esa futbolçilarga ham savollar qöyilgani tayin. 45 daqiqada uç zarba — «Real»ning joriy mavsumdagi eng yomon körsatkiçidir. Vinisius Junior ikkinçi bölim boşida darvozani işğol qilganida esa gol ofsayd tufayli bekor qilindi. Braziliyalik futbolçi yana ikki vaziyatda raqib darvozaboni Errerani alday olmadi. Kurtuani esa Gomesning yerlatib bergan xavfli zarbasidan darvoza ustuni qutqardi.
Madridlarga an’anaviy ustunliklari — xarakter va mahorat yordamga keldi. Vinisius esa nihoyat töğri qaror qabul qilib, raqib jarima maydonida oçilgan Valverdeni töp bilan ta’minladi. Va albatta mehmonlar safida debyut qilgan 18 yoşli Alvaro Rodriges haqida gapiriş mumkin. U maydonga tuşişi bilanoq Vinisiusga golli pas berdi, ammo kiçik ofsayd tufayli gol bekor qilindi. Yoş futbolçi töxtab qolmadi va keyingi hujumda Asensioni darvozabon bilan yakkama-yakka vaziyatga çiqardi.
Real Sosedad – Selta 1:1
Gollar: 1:0 – 5 Oyarsabal, 1:1 – 90, avtogol Le Norman.
Real Sosedad – Remiro, Le Norman, Subeldiya, Riko, Ilyarramendi (Merino, 63), Mendes (Navarro, 83), Subimendi, Kubo (Marin, 83), Barreneçea (Sola, 89), Serlot (Fernandes, 89), Oyarsabal.
Selta – Vilyar, Mingesa, Nunes, Aydu, Galan, De La Torre (Oskar Rodriges, 68), Beltran (Tapiya, 68), Veyga, Karles Peres (Servi, 83), Aspas, Larsen (Seferoviç, 46).
Çetlatiş: Tapiya (75).
«Real Sosedad» muvaffaqiyatsizliklar seriyasi va qatorasiga golsiz uç öyindan keyin ideal hafta ötkazişi mumkin edi. Duşanba kuni hamon kadrlar muammosidan aziyat çekayotgan «basklar» safarda «Espanol»ni mağlub etişgandi (3:2), endi esa qişda yorqin öyin körsatayotgan «Selta»ga qarşi öyinni juda kuçli boşlaşdi. Oyarsabal darvozabonni hayratga solib, yaqin burçakni aniq nişonga olgan holda mavsumdagi ikkinçi golini urdi - uşbu futbolçi tovonidagi oğir jarohat tufayli töqqiz oy davom etgan tiklaniş jarayonidan keyin asta-sekin oldingi holatiga qaytmoqda.
Ammo ğalaba uçun buning özi yetarli bölmadi. Şu kuni mezbonlarning köp vaziyatlarda omadi keldi, masalan, darvozabon va himoyaçi bir-biriga işonib qolgan vaziyatda Aspas yöllagan zarba ustunga tegdi. Yoki «Selta» sardori darvozabon oldinga çiqib ketganini körib, uzoq masofadan töpni oşirib taşlaganda gol bölmay qoldi. Lekin mehmonlar safida ikkinçi bölimda maydonga tuşgan Tapiya qizil kartoçka olgaç, bir kişi köp bölib öynagan «Sosedad» ğalabani saqlab qola olmadi va öyinga qöşib berilgan daqiqalarda urilgan avtogol jamoa «Real»ga yaqinlaşişiga yöl qöymadi. Boşqa tomondan törtinçi örinda kelayotgan «Atletiko» bilan oradagi farq ham qisqarmoqda.
Agar «Valyadolid»ga qarşi öyindagi ustunlik ahmoqona tarzda boy berilgani (1:1) hisobga olinmasa, sönggi vaqtlarda Diyego Simeone jamoasi la ligada oxirigaça öynab, raqibni xato qilişga majburlaş böyiça asosiy mutaxassisga aylangan. Saul «Osasuna»ga qarşi öyinning 74-daqiqasida ğalaba golini urgandi. Avvalgi turda Depay 89-daqiqada darvozani işğol etib, «Selta»ni nokaut holatiga tuşirgandi. Endi esa himoyaçilardan qoçib ketib, darvozaning uzoq burçagini aniq nişonga olgan Grizmanning navbati keldi. Aftidan, «Atletik» «Valensiya» kabi uşbu fransuzning sevimli jamoasi. U bu raqiblarga qarşi öyinlarda 11 tadan gol urgan va jamoaning yangi muvaffaqiyati «Reala Sosedad» bilan oradagi farq 2 oçkogaça qisqarişini, beşinçi örinda kelayotgan «Betis» bilan tört oçkolik farq saqlanib qolişini ta’minladi, yevrokuboklarga yöllanma beruvçi örinlar uçun kuraşayotgan basklar esa oltilikni tark etdi.
Xavi bu öyin arafasida bir yarim oy muddatga safdan çiqqan Pedri örniga Serji Robertoni tuşirib, kutilmagan qaror qabul qildi. Sönggi yillarda maydonga sardorlik boğiçi bilan tuşayotgan bu futbolçi lateral rolida öynardi, ammo u yangi ampluada ham yöqolib qolmadi. Şu jumladan bölim oxirida öng qanotda Ferran Torres solo amalga oşirib, maydon markazidagi Levandovskini töp bilan ta’minlaganida ham - bu vaziyatda polşalik hujumçining zarbasini darvozabon qaytardi, qaytgan töpga böş qolgan Serji zarba berib hisobni oçdi.
Yana bir jihati - Serji Xavi murabbiyligida 13 öyinda 3 gol urgan, Xaviga qadar esa 221 öyinda unda faqat 5 ta zarba bor edi. Bölimga qöşib berilgan daqiqalarda esa Levandovskini golli pas bilan ta’minladi, polyak futbolçi la ligadagi birinçi mavsumida 15-golini urib ulgurdi, turnirda bunday samaradorlikka undan tezroq faqat Kriştianu Ronaldu gol urgan (17 ga qarşi 19 öyin). Yakşanba kungi ğalaba «Barsa»ning yil boşidan buyon erişgan qatorasiga oltinçi ğalabasiga aylandi. Kök-anorranglilar «Real»dan sakkiz oçkolik farq bilan oldinda bormoqda.
Kun statistikasi
«Everton» himoyaçisi Koulman APLda sönggi 97 öyinida 2 gol urgan. Ikkisini ham — «Lids» darvozasiga.
Jon Heytinga boşqaruviga ötganidan keyin «Ayaks» tört öyinda kamida uçtadan gol urdi. Amsterdamda murabbiylik faoliyatini bunday yorqin boşlagan mutaxassis 1997 yilda jamoa boşqaruviga kelgan Morten Olsen bölgandi.
La liganing eng töpurar himoyaçisi mavsumdagi törtinçi golini urdi — bu «Rayo Valekano» himoyaçisi Lejyen.
«Arsenal» 14 yildan buyon APL doirasidagi safar öyinlarida birinçi bölimni mağlubiyat bilan yakunlab, öyinda ğalabani öz tomoniga oğdira olmagandi.
19 yilu 235 kunlik — bu «Borussiya» yarimhimoyaçisi Bellingemning yoşi. U bundesligada 50 ğalabaga erişgan eng yoş futbolçi böldi.
«MYu» barça turnirlar hisobga olinganda 27 ğalabaga erişdi. Bu top-5 çempionatlardagi eng yaxşi natija, «qizil iblislar» ötgan mavsum davomida bundan 7 ta kam ğalabaga erişgandi.
«Reyms» 2018/19 yillar mavsumida oliy ligaga qaytganidan buyon 28 öyinda golsiz durang qayd etgan. Bundan taşqari, «Nyukasl»ning mağlubiyatsiz seriyasi buzilgaç, «Reyms» top-5 ligada eng uzoq vaqtdan beri yutqazmayotgan jamoaga aylandi — 16 öyin.
«Ştutgart» 31 öyindan beri (2021 yil aprelidan buyon) öz maydonida darvozasi daxlsizligini saqlay olmayotgandi. «Kyoln» 3:0 hisobida mağlub etilgaç, Bundesliga tarixidagi rekord seriya töxtadi.
«MYu» va «Lester» öyinida darvozalarga 45 (26-19) bor zarba berildi — bu APLda 2016 yil oktyabridan buyon qayd etilgan rekord körsatkiç.
«Sampdoriya» A Seriyada öz maydonidagi öyinlarda 731 daqiqadan buyon gol ura olmayapti.
