Санкт-Петербургда «Ковер» режаси бекор қилинди, шаҳар узра ҳаво ҳудуди очилмоқда.
Фото: Global Look Press
Яқин орада парвозлар қайта тикланади, деб хабар берди 112 Telegram-канали. Baza Telegram-канали хабарига кўра, ҳаво ҳудуди ёпилишига сабаб бўлган номаълум объект дастлаб Фин кўрфази томонидан кузатилган.
Аввалроқ Санкт-Петербург узра ҳаво ҳудуди парвозлар учун ёпилганди, шаҳарнинг Пулково аэропорти вақтинча самолётларни қабул қилмади ва жўнатмади.
Baza ва 112 Telegram-каналлари Санкт-Петербург осмонига ҳарбий самолётлар кўтарилгани ва шаҳар ҳудудида «Ковер» сигнали ишлаётгани ҳақида хабар беришди. Бу сигнал шаҳар ҳаво ҳудудида номаълум самолётлар ва бошқа объектлар пайдо бўлганда фойдаланилади.
