Eng yaxshi talabalar Yevropa va AQShda amaliyot o‘taydilar, shuningdek, IT-mahsulotlarini ishlab chiqish bo‘yicha jahon yetakchilaridan biri bo‘lgan EPAM kompaniyasidan ish takliflarini oladilar.
IT Park University — gibrid ta’lim shakliga ega, yuqori texnologiyali raqamli universitetdir. Universitet Prezident Shavkat Mirziyoyev topshirig‘iga binoan, xalqaro miqyosdagi yuqori malakali kadrlar tayyorlash maqsadida tashkil etilgan. IT va kommunikatsiyalarni rivojlantirish vazirligi qoshidagi IT Park va EPAM xalqaro kompaniyasi universitet asoschilari bo‘lishdi.
«IT Park University 20 yillik tajribaga ega yangi universitetdir. U o‘tgan yili ochilgan bo‘lsa-da, ammo o‘quv dasturlari EPAM'ning eng yaxshi ta’lim qarorlariga asoslangan. Kompaniya 20 yildan buyon butun dunyo bo‘ylab talab yuqori bo‘lgan IT-mutaxassislarini tayyorlab kelmoqda.
Bizda allaqachon boshqa universitetlar talabalari, ilg‘or dasturlar bo‘yicha xalqaro jamoalarning amaliyotchi muhandislaridan bilim olish uchun IT Park University'ga ko‘chirilgan holatlar bo‘lgan», — deb ta’kidladi Bahodir Ayupov.
Talabalar uyda ham, universitetning butun O‘zbekiston bo‘ylab ochilgan filiallarida ham shug‘ullanishlari mumkin. Shu bilan bir qatorda, IT-mutaxassislarining Toshkent va viloyatlarda o‘tkaziladigan workshop'laridan foydalanish imkoniyatiga ham ega bo‘ladilar.
Talabalarga individual yordam IT Park University'ning hududiy kuratorlari tomonidan ko‘rsatiladi, ular yuzaga kelgan muammolarni hal qilishda yordam berishadi. Ko‘pincha talabalar ularga o‘quv jarayoniga oid masalalar yechimi bo‘yicha, ota-onalar esa farzandlarining akademik natijalari tahlili va karera yo‘llarini aniqlash uchun murojaat qilishadi.
Ismoilova Rahima, talaba, Xorazm
«O‘tgan yili IT Park University'ga o‘qishga kirdim. Onlayn ta’lim qulay format. Meni uydan ketishimga, oilamga esa Toshkentda turar joy ijarasi uchun qo‘shimcha xarajatlarni ko‘tarishiga to‘g‘ri kelmadi. Undan tashqari, poytaxtda yashash narxi mening ona shahrimnikiga nisbatan qimmatroq.
Ota-onam men begona shaharda yolg‘iz yashayapti deb tashvishlanib o‘tirishmaydi. Ular o‘zlarini xotirjam his qilayotganlarini aytishadi, shu bilan birga men ham orzu qilgan mutaxassisligimni egallayman. Kelajakda men saytlar va ilovalar uchun interfeyslar yaratib, Front-end dasturchisi sifatida ishlashni rejalashtiryapman. Raqamlashtirish tezligini hisobga olsak, bu mutaxassislik talabgir va yaxshi haq to‘lanadiganligicha qoladi».
