“Imkoniyat va sharoit yaratib berilgan joyda, albatta, o‘sish bo‘ladi” - Izzatillo Po‘latov

Toshkentda o‘tkazilgan futbol bo‘yicha Osiyo kubogi U20 turniri g‘oliblari konstitutsiyaviy islohotlarga befarq emasligini bildirib, #befarqemasman chellenjida ishtirok etdi.

Izzatillo Po‘latov, himoyachi:

– Imkoniyat va sharoit yaratib berilgan joyda, albatta, o‘sish bo‘ladi. 18 mart kuni biz buni maydonda ko‘rsatdik.

Abbos Fayzullayev, yarimhimoyachi:

— Qisqa vaqt ichida O‘zbekiston millionlar o‘yinida o‘z o‘rniga ega mamlakatga aylandi. Biz g‘alabamizni stadionda bevosita prezidentimiz bilan nishonladik va bu adolatli bo‘ldi.

Umarali Rahmonaliyev, yarimhimoyachi:

— Biz har bir yo‘nalishda huquqlarimizni himoya qiladigan, mehnatlarimizni rag‘batlantiradigan davlat qurishda davom etishni istaymiz. Chunki biz ertangi kunimiz, kelajagimizga befarq emasmiz.