2022 yilda Qirg‘iziston chegarasini 4,3 million o‘zbekistonlik kesib o‘tgani ma’lum bo‘ldi

2022 yil oxirida Qirg‘iziston chegarasini 7,6 million xorijiy fuqaro kesib o‘tgan. Bu haqda Milliy statistika qo‘mitasi ma’lumotlariga tayanib 24.kg xabar berdi.

2021 yilga nisbatan bu ko‘rsatkich ikki barobarga yoki 3,6 million kishiga oshgan. 2020 yilga nisbatan chegaradan o‘tishlar soni uch barobardan ko‘proqqa oshgan.

Qirg‘iziston chegarasini eng ko‘p O‘zbekiston fuqarolari kesib o‘tgan – 4,3 mln kishi. Bu 2021 yilga nisbatan 2,3 mln kishiga ko‘pdir. Ikkinchi o‘rinda Qozog‘iston. O‘tgan yili Qirg‘iziston chegarasini 1,8 mln qozog‘istonlik kesib o‘tgan, bu 2021 yilga nisbatan 3,4 barobar ko‘pdir. Chegarani kesib o‘tishlar soni bo‘yicha uchinchi o‘rinda Rossiya – 649,9 ming kishi (2021 yilga nisbatan o‘sish – ikki baravar).