“Qishloq yoshlarga shafqat qilmasdi” - Erkin Komilov

Andijon viloyatida “Konstitutsiya meniki, seniki, bizniki! Konstitutsiya o‘zimizniki” targ‘ibot tadbiri o‘tkazildi. 

Unda taniqli san’atkorlar va 10 mingga yaqin ishtirokchi qatnashdi. Xususan, O‘zbekiston xalq artisti Erkin Komilov yig‘ilganlar oldida chiqish qildi.

“Biz maktabda o‘qigan vaqtlarimizda darsga borishimiz bilan chopiq, “yagona”, “chekanka”, paxta terimiga chiqardik. Biz shunga ko‘nikkandik. Qishloq yoshlarga shafqat qilmas edi. Yoshlar, hozir shunday dorilamon kunlarda yashayapsizlarki, faqat shukrona qilish kerak”, — dedi Komilov.

Taniqli aktyor tadbir ishtirokchilarini konstitutsiya islohotlariga befarq bo‘lmaslikka, jamoatchilikni 30 apreldagi referendumda faol ishtirok etishga chaqirdi.

Targ‘ibot tadbirlari butun respublika hududlari bo‘ylab davom etmoqda.