Toshkent shahrida yangi qurilayotgan binoda yong‘in chiqdi. Favqulodda vaziyatlar vazirligi hodisa bo‘yicha rasmiy ma’lumot berdi.
Videodan kadr
Bugun, 26 aprel kuni soat 13:58 da Shayxontohur tumanidagi yangi qurilayotgan 25 qavatli binoning 1-qavatida yong‘in sodir bo‘layotganligi to‘g‘risida shahar FVBga xabar tushgan.
Shunga ko‘ra, 4 ta yong‘in-qutqaruv ekipaji va 2 ta maxsus texnika soat 14:00 da voqea joyiga yetib borib, yong‘in soat 14:10 da batamom o‘chirilgan.
Yong‘in oqibatida tan jarohati olgan va halok bo‘lganlar yo‘qligi aytilgan.
Hozirda yong‘in sababi va moddiy zarar miqdori aniqlanmoqda, deyiladi vazirlik xabarida.
