Sovrinsiz qolmagan «Real», Keyn va Salohning tarixiy natijalari. Yevropada kun o‘yinlari

Angliya: «Chelsi» nihoyat g‘alabaga erishdi va ligada qoldi

Manchester Siti – Lids 2:1
Gollar: 1:0 – 19 Gundo‘g‘an, 2:0 – 27 Gundo‘g‘an, 2:1 – 85 Rodrigo.
Aniq ijro etilmagan penalti: Gundo‘g‘an, 82.
Manchester Siti – Ederson, Laport, Ake (Uoker, 54), Akanji, Lyuis, Gundo‘g‘an (Rodri, 90), de Bryuyne, Foden, Mahrez, Xoland, Alvares (Bernardu Silva, 87).
Lids – Robles, Eyling, Veber, Kristensen, Firpo, Forshou (Streyk, 80), Roka (Grinvud, 59), Xarrison (Sammervill, 66), Makkenni, Bemford (Aaronson, 80), Nonto (Rodrigo, 58).

Ligada qolish uchun kurashayotgan «Lids» qutqaruv operatsiyasi uchun pensiyada zerikayotgan Sem Ellardaysni chaqirgandi. 68 yoshli mutaxassisning yordami tegishi mumkin, ammo katta Sem — sehrgar emas va uning jamoasi himoyasi «Manchester Siti»ga qarshi ko‘p vaqt dosh berib tura olmadi. «Shaharliklar» ikkita bir xildagi hujum bilan raqib himoyasini yorib o‘tishdi. Ikki vaziyatda ham to‘p o‘ng qanotga uzatildi, Mahrez himoyachilarni ortda qoldirdi va Gundo‘g‘anni qulay vaziyatga chiqardi.

JCh-2022 dan keyingi davrda jazoirlik ushbu futbolchi — to‘qqiz uzatma bilan APLning eng yaxshi assistenti bo‘lib turibdi. Gundo‘g‘an het-trikka ham yaqin edi, ammo Holand 11 metrli jarima zarbasini ijro etish huquqini unga qoldirganida, u to‘pni darvoza ustuniga qarata tepdi. Bu tashabbus Xosep Gvardiolaga yoqmadi va bu haqda u o‘yindan keyin aytib o‘tdi. Qolaversa, bir daqiqa o‘tib Rodrigo hisobni qisqartirdi va o‘yin oxiri asabiy kechdi. Ammo g‘alaba saqlanib qoldi va «Siti» endi o‘yinlar soni teng holda «Arsenal»ni to‘rt ochkoga ortda qoldirmoqda.

{Yii::t(}

O'tkazib yuborish 6s

O'tkazib yuborish

Tottenhem – Kristal Pelas 1:0
Gol: 1:0 – 45 Keyn.
Tottenhem – Forster, Porro, Emerson, Langle (Dayyer, 88), Romero, Devis, Heyberg, Skipp, Keyn, Risharlison (Kulusevski, 79), Son Hyon Min (Danjuma, 89).
Kristal Pelas – Jonston, Uord, Andersen, Gehi, Mitchell, Shlupp (Xyuz, 74), Eze, Dukure, Olise, Zaha, Ayyu (Eduar, 84).

Bornmut – Chelsi 1:3
Gollar: 0:1 – 9 Gallaher, 1:1 – 21 Vinya, 1:2 – 82 Badyashil, 1:3 – 86 Joau Feliks.
Bornmut – Neto, Smit, Senesi, Kelli, Vinya, Lerma, Kristi (Semeno, 84), Rotuell (Kuk, 59), Billing (Entoni, 83), Uattara, Solanke (Bruks, 90).
Chelsi – Arrisabalaga, Chaloba, Tiago Silva, Badyashil, Chiluell (Aspilikueta, 75), Kante (Loftus-Chik, 63), Gallaher, Fernandes, Haverts (Joau Feliks, 84), Mudrik (Sterling, 63), Madueke (Ziyosh, 76).

So‘nggi o‘n o‘yin ichida ilk bor darvozasi daxlsizligini saqlay olgan «Tottenhem»ning «Kristal Pelas»ga o‘yini shunisi bilan ajoyib chiqdiki, g‘alaba golini urgan Keyn tarixiy natijaga erishdi. Bu gol «shporlar» forvardi uchun 209-golga aylandi va u endi APL tarixidagi barcha to‘purarlar ro‘yxatida ikkinchi o‘ringa chiqib oldi (bu o‘rinni Ueyn Runi bilan bo‘lishib turibdi). Bu ro‘yxatdagi yaqqol yetakchi Alan Shirerni (260 gol) quvib yetishi uchun Keyn yana bir necha mavsum hozirgidek unikal o‘ynashi yetarli bo‘ladi.

Birinchidan, hali hech kim safarda ham, uyda ham yuztadan ortiq gol urmagan. Ikkinchidan, uchinchi yuztalikka o‘tgan hech qaysi to‘purarda o‘zining asosiy oyog‘i bo‘lmagan oyog‘i va boshda urilgan gollar 40 tadan oshmagan. «Ikkinchi qavat»dan hujum — alohida mavzu. Keyn endi bir mavsumda bosh bilan 10 gol urgan birinchi futbolchi.

Nihoyat g‘alabaga erishgan «Chelsi»ning o‘yiniga kelsak, o‘yin oxiridagi ikki gol ko‘klar uchun 11 martdan buyon ilk muvaffaqiyatni ta’minladi. Shunday bo‘lib chiqdiki, londonliklar bu o‘yinda urgan gollar soni Grem Potter jamoa bosh murabbiyligidan iste’foga chiqarilganidan keyingi olti o‘yinda urilgan gollar sonidan ko‘proqni tashkil etdi. Agar muvaffaqiyatsiz seriya davom etganida, Frenk Lempard jamoasi «Bornmut»ni oldinga o‘tkazib yuborib, 13-o‘ringa tushib ketishi mumkin edi. Lekin endi mavsumni tark etish haqida gap yo‘q. «Chelsi» fanatlarida esa yumor hissi joyida. O‘yin oxirida ular shunday kuylashdi: «Biz qolamiz!».

Liverpul – Brentford 1:0 
Gol: 1:0 – 13 Saloh.
Liverpul – Alisson, Aleksander-Arnold, van Deyk, Konate, Roberson (Tsimikas, 82), Fabino, Jons (Milner, 82), Saloh, Diogu Jota (Henderson, 73), Gakpo, Nunes (Dias, 65).
Brentford – Rayya, Xiki (Vissa, 88), Yorgensen, Mi, Pinnok, Genri (Shade, 72), Yyensen (Baptist, 82), Yanelt (Damsgor, 82), Oneka (Dasilva, 72), Mbemo, Touni.
Ogohlantirishlar: van Deyk (5), Mbemo (27), Fabino (42), Konate (54), Genri (70), Alisson (77).

Payshanba kuni «MYu» «Brayton»dan so‘nggi daqiqalarda gol o‘tkazib mag‘lub bo‘lishi «Liverpul»ning Chempionlar ligasi uchun imkoniyatlarini ancha oshirdi. Mersisaydliklar o‘ziga bog‘liq barcha ishni a’lo darajada uddalamoqda. Ayniqsa Saloh. U golli hujumni o‘zi to‘pni boshqa qanotga uzatib boshlab berdi va van Deyk tashlab bergan to‘pni o‘ziga bo‘ysundirib, darvozani ishg‘ol etdi. Misrlik hujumchi bir zarbasi bilan «Enfild»da urgan gollari sonini 100 taga yetkazib, klub rekordini o‘rnatdi, bu uning bu mavsumda qatorasiga to‘qqiz uy uchrashuvida gol urishi bo‘ldi. Barcha turnirlardagi o‘yinlar hisobga olinganda, Mo qatorasiga uchinchi mavsumda gollari sonini 30 taga yetkazmoqda. Qatorasiga olti g‘alabadan keyin «MYu» bilan oradagi farq bir ochkoga qisqardi, ammo zaxirasida ikki o‘yin bor bo‘lgan «qizil iblislar» bu poygada hamon favorit bo‘lib qolmoqda.

Ispaniya: Anchelottining kubok o‘yinlaridagi kompleksiga barham berildi

Ispaniya Kubogi. Final
Real — Osasuna 2:1
Gollar: Rodrigo (2, 70) — Torro (58).
Real – Kurtua, Karvahal, Alaba, Militao, Kamavinga, Kroos (Modrich, 82), Valverde, Tchuameni (Ryudiger, 69), Vinisius, Rodrigo (Asensio, 89), Benzema.
Osasuna – Errera, Aridane, David Garsiya, Xuan Krus, Penya (Ruben Garsiya, 75), Moyses Gomes (Kike Garsiya, 86), Torro (Ibanyyes, 86), Oros, Monkayola, Ez Abde (Barxa, 75), Budimir (Chimi Avila, 70).
Ogohlantirishlar: Monkayola (21), David Garsiya (37), Militao (41), Vinisius (45), Kamavinga (75), Barxa (83), Valverde (90), Kurtua (90+4), Ibanyyes (90+4).

«Real» va Ispaniya Kubogi munosabatlari silliq emas. Madridliklar bu turnirda oldingi sovrinni (hisob bo‘yicha 19-si) to‘qqiz yil muqaddam, xuddi shu Karlo Anchellotti bilan birga qo‘lga kiritgandi. Shundan buyon nimalar bo‘lib ketmadi! Diskvalifikatsiyasi bor Cherishevning o‘ynatilishi tufayli texnik mag‘lubiyat yozilishidan tortib uchinchi divizion vakilidan uchralgan mag‘lubiyatgacha. O‘tgan triumfni esa hozirgi tarkibda bosh murabbiydan tashqari faqat Modrich, Nacho, Benzema va Karvahal eslashi mumkin. Bu kvartetdagi to‘rtinchi futbolchi shanba kungi o‘yin uchun boshlang‘ich tarkibdagi yagona ispaniyalik futbolchi edi va bunaqasi turnirning 120 yillik tarixida kuzatilmagandi.

Deyarli butun tarkibi mahalliy futbolchilardan iborat «Osasuna» bilan solishtirganda farq katta, ammo bu muxlislarni tashvishga solishi dargumon. Masalan, yuqori saviyali qator braziliyaliklar to‘plangan — bu chiroyli futbolning kafolati. Bunday go‘zallikni ikkinchi daqiqadayoq himoyachilarni ojiz qoldirgan Vinisius Junior namoyish etdi va Rodrigoni golli pas bilan ta’minladi. Gol muallifi esa keyinroq tovoni orqali uzatgan pasi bilan Benzemani zarba berish holatiga chiqardi. Lekin Karimning zarbasi shu kuni kuchli o‘yin namoyish etgan Errera tomonidan bartaraf etildi va fransuz futbolchisi «Osasuna»ga qarshi to‘qqizinchi o‘yinida ham gol ura olmadi — u bu jamoa darvozasini oxirgi bor o‘sha 2014 yilgi kubok finalida ishg‘ol etgandi. Yana bir shedevr esa — Alabaning jarima zarbasidan keyin — darvoza to‘sini tomonidan bartaraf etildi.

Bu bir tomondan madridlik muxlislarni ranjitadi, boshqa tomondan o‘yinda intriga saqlanib qoldi, chunki «Osasuna» finalga qadar aql bovar qilmas xarakter namoyish etib, uchta overtaymdan g‘olib bo‘lib o‘tgandi. Va Torro hisobni tenglashtirganida pamplonalik muxlislar o‘tirgan tribunada tom ma’noda yong‘inni o‘chirishga to‘g‘ri keldi.

Ammo yoki «Osasuna» o‘z dadilligidan cho‘chib ketdi, yoki «Real» yana to‘liq kuch bilan o‘ynay boshladi. Vinisiusning navbatdagi keskin hujumi va Rodrigoning yana bir goli. Lekin bu hujum cho‘zilib ketdi va Kroosning zarbasidan keyingi rikoshet qaymoqranglilarga yordam berib yubordi. Nima bo‘lganda ham, asosiysi — natija. Bu — «Real»ning 20-kubogi. Lekin jamoa bu muvaffaqiyatni ortiqcha nishonlab o‘tirmaydi: oldinda «Manchester Siti»ga qarshi yil o‘yinlari kutmoqda.

Italiya: «Milan» Leauni yo‘qotdi

A Seriya. 34-tur
Milan – Latsio 2:0
Gollar: 1:0 – 17 Binnosir, 2:0 – 29 Ernandes.
Milan – Menyan, Kalabriya (Kalulu, 46), Kyyer (Tiav, 46), Tomori, Ernandes (Ballo-Ture, 80), Krunich, Binnosir, Tonali, Rafael Leau (Salemakers, 11), Junior Messias, Jiru (Rebich, 69).
Latsio – Provedel, Marushich (Ladzari, 56), Romanyoli, Kazale, Hyusay (Pellegrini, 68), Luis Alberto, Milinkovich-Savich (Bashich, 68), Markos Antonio, Felipe Anderson, Dzakkanyi (Pedro, 56), Immobile (Kancheleri, 81).
Ogohlantirishlar: Romanyoli (20), Marushich (24), Kalabriya (42), Kazale (60), Pellegrini (88), Tiav (89).

Hafta o‘rtasida autsayder «Kremoneze»ga qarshi o‘yinda qoqilganidan (1:1) keyin Stefano Pioli «Latsio»ga qarshi o‘yinda jangovar tarkibni tushirdi va bu «Milan» birinchi bo‘limdayoq o‘yin masalasini hal qilishini ta’minladi. Avvaliga mezbonlar «burgutlar»ni himoyadan chiqishda kuchli pressing ostida qoldirdi va Jiru Binnosirni qulay vaziyatga chiqardi. Keyin esa Ernandez haqiqiy shedevr ijro etdi. To‘pni darvozabondan qabul qilib olgan fransuz himoyachisi uni yolg‘iz o‘zi raqib jarima maydoniga qadar olib bordi va kuchli zarba bilan darvozaning yuqori burchagini ishg‘ol etdi.

G‘oliblar uchun umumiy kartinani buzuvchi epizod — Rafael Leauning jarohat olishi bo‘ldi. «Milan» bilan shartnomani yangilashga rozi bo‘lgani aytilayotgan portugaliyalik hujumchi 11-daqiqadayoq jarohat oldi va o‘yinni davom ettira olmadi. U endi katta ehtimol bilan Chempionlar ligasi yarimfinal o‘yinlarini o‘tkazib yuboradi. Bu «rossonerilar»ning ambitsiyalariga jiddiy zarba bo‘ldi, shu bilan birga, shanba kungi muvaffaqiyat jamoaga kuchli to‘rtlik uchun kurashda qolish imkonini berdi. Shu kuni raqib darvozasiga biror marta aniq zarba yo‘llay olmagan «Latsio» so‘nggi to‘rt o‘yindagi uchinchi mag‘lubiyatini qabul qilib oldi va ikkinchi o‘rinni xavf ostida qoldirdi.

Roma – Inter 0:2
Gollar: 0:1 – 33 Dimarko, 0:2 – 74 Lukaku.
Roma – Ruy Patrisiu, Manchini, Rojyer, Kristante, Spinatssola, Zalevski, Matich, Pellegrini, Kamara, Bove (Dibala, 72), Belotti (Abraham, 75).
Inter – Onana, Dumfris (Bellanova, 60), Darmian, Acherbi, Bastoni, Dimarko (de Vrey, 71), Brozovich, Chalxono‘g‘li (Mxitaryan, 71), Barella (Galyardini, 82), Korrea (Martines, 60), Lukaku.
Ogohlantirishlar: Manchini (27), Pellegrini (58), Martines (65), Spinatssola (77), Galyardini (84).

Shanba kuni Milan va Rim qarama-qarshiligidagi ikkinchi o‘yinda ham shimolliklar qo‘li ustun keldi. «Inter»ning ikki laterali Dyumfris va Dimarko ijrosida hisob ochilgach, «Roma» statistika nuqtayi nazaridan durangdan ortig‘iga umid qila olmasdi. «Bo‘rilar» bu mavsumda tanaffusgacha hisobda ortda borgan o‘yinlarida hech qachon g‘alaba qozona olmagan, «neradzurri» esa bunday ustunlikka ega bo‘lgan o‘yinlarida hech qachon yutqazmagan.

Yakunda esa mezbonlar birorta ochkosiz qolishdi va barchasi Ibanesning xatosidan keyin ma’lum bo‘lib ulgurdi. Undan to‘pni olib qo‘ygan Lautaro Martines bir lahzaning o‘zida mavsumning oxiriga kelib formasini tiklab olgan Lukakuni yakkama-yakka vaziyatga chiqardi. Belgiyalik futbolchi birinchi bo‘limda yelkasidan jarohat olib Simone Indzagini tashvishga solgandi. Ammo, milanliklar yetakchisi Leau bilan bo‘lganidan farqli o‘laroq, bu holatda barchasi yaxshilik bilan tugadi. «Inter» bu turdagi o‘yinini yakshanba kuni o‘tkazadigan «Yuventus» bilan ochkolar bo‘yicha tenglashib, Chempionlar ligasiga yo‘llanma beruvchi o‘rinlarga qaytdi. Joze Mourino jamoasi esa, aftidan, asosiy yevrokubok yo‘llanmasini Yevropa Ligasi orqali qo‘lga kiritishga harakat qilishiga to‘g‘ri keladi.

Germaniya: «Leypsig» uchinchi o‘ringa chiqib keldi, Gnabri yana hal qildi

Bundesliga, 31-tur
Frayburg – RB Leypsig 0:1
Gol: 0:1 – 73 Kampl.
Frayburg – Flekken, Kyubler (Shmid, 83), Gulde, Ginter, Gyunter (Ezekvem, 83), Hefler, Grifo, Eggeshtayn (Chjon Vu Yen, 83), Vayshaupt (Rel, 59), Gregorich (Petersen, 83), Heler.
RB Leypsig – Blasvih, Simakan, Orban, Klostermann, Henrihs, Laymer (Shlager, 90), Olmo (Halstenberg, 78), Aydara (Kampl, 53), Soboslai, Verner (Poulsen, 78), Nkunku (Forsberg, 90).

«Leypsig» seshanba kuni ham «Frayburg» mehmoni bo‘lgan va Germaniya kubogi yarimfinalida ushbu raqibni yirik hisobda yenggan edi (4:0). Aftidan, mezbonlar o‘sha o‘yindan saboq chiqarishgan va bu o‘yinda yaxshi qarshilik ko‘rsatildi, ammo Marko Roze Kampl qiyofasidagi kuziridan foydalandi. Maydon markazida jamoadoshlarini sug‘urtalab turgan futbolchi to‘pga ega chiqqach, tashabbusni o‘z qo‘liga oldi va raqib jarima maydoniga yorib kirib, «devor» uslubida o‘ynab, darvozani ishg‘ol etdi.

O‘yinning qo‘shimcha daqiqalarida ikki tomonda ham qulay vaziyatlar bo‘ldi, ammo mezbonlar futbolchisi darvozabondan qaytgan to‘pga zarba bera olmadi, mehmonlar futbolchisining «shvedka» uslubidagi (butsaning tashqi qismi bilan) zarbasini darvozabon maydon tashqarisiga chiqarib yubordi, natijada «ho‘kizlar» YeChL yo‘llanmalari uchun shanba kungi kurashdagi asosiy triumfator bo‘ldi. Finishgacha uch tur qolganida «Leypsig» beshinchi o‘rindan uchinchi o‘ringa ko‘tarildi, «Frayburg» esa endi beshinchi o‘rinda. Ochkolar teng kelib qolgan taqdirda, bu jamoa qo‘shimcha ko‘rsatkichlarga ko‘ra shu kuni «Augsburg»ga yutqazgan «Union»dan ortda qolmoqda.

Verder – Bavariya 1:2
Gollar: 0:1 – 62 Gnabri, 0:2 – 72 Sane, 1:2 – 86 Shmidt.
Verder – Pavlenka, Vayzer, Shtark, Fridl, Piper (Velkovich, 55), Yung (Byukenen, 77), Gross (Gruyev, 77), Bitenkur (Shmidt, 82), Stage, Shmid, Duksh (Filipp, 77).
Bavariya – Zommer, Mazraviy, Pavar, de Ligt, Joau Kanselu, Kimmih, Gravenberh (Myuller, 64), Mane (Sarr, 88), Koman (Sane, 64), Musiala, Gnabri.
Ogohlantirishlar: Joau Kanselu (16), Piper (20), Fridl (31).

«Bavariya» esa bir amallab g‘alaba qozonishni uddalamoqda. Bremendagi o‘yinda myunxenliklar o‘yinni nazorat qilishdi, ammo bir necha daqiqa ichida raqibning ikki hujumidan ikki gol o‘tkazib yuborishi mumkin edi. Ammo saviya o‘zini ko‘rsatdi va «Herta» bilan o‘yindagi kabi amaldagi chempionlar ikkinchi bo‘limda «Verder»ni taslim etishdi. Bu safar ham o‘yinda burilish yasash uchun Gnabrining goliga zarurat sezildi, deyarli bo‘sh darvoza qarshisida turgan ushbu hujumchiga raqib himoyasidagi palapartishlik tufayli yetib keldi. Shmidt esa o‘yin oxirida «to‘qqizlik»ka yo‘llagan zarbasi bilan Zommerni ojiz qoldirdi, ammo bu vaqtga kelib zaxiradan tushgan Sane ikkinchi golni urib ulgurgandi. «Musiqachilar» chempionlarning muxlislarini xavotirlanishga majbur qila olishdi, ammo myunxenliklar g‘alabani saqlab qolishdi. Navbatdagi chempionlikkacha uch qadam qoldi. Albatta, «Borussiya» undan oldinroq navbatdagi yo‘qotishga uchramasa.

Kun statistikasi

• «Shalke» bundesliga mavsumining ikkinchi davrasida 1-bor turni xavfli zonadan yuqorida yakunladi.
• Fransiya chempionatida Lyabord qatorasiga uchinchi mavsumda kamida 10 ta gol urmoqda. Vaziyatning top-5 chempionatlar uchun unikalligi shundaki, ushbu forvard bu gollarni uchta turli jamoalarda — «Monpele», «Nitssa» va «Renn» safida urishga erishgan.
• «Real» kubok turnirlarida «Osasuna»ga qarshi 9 o‘yin o‘tkazgan va barcha o‘yinlarda g‘alaba qozongan.
• Benzema o‘zi yutgan sovrinlar sonini 33 taga yetkazdi — bu bilan u Fransiyaning eng sovrindor futbolchisiga aylandi. Shuningdek, «Real» safidagi sovrinlar bo‘yicha Marseloning rekordini takrorladi.
• 43 yil-u 38 kun — APL tarixida raqib jamoalar bosh murabbiylari o‘rtasidagi rekord darajadagi farq: 75 yoshli Roy Hojson boshqaruvidagi «Kristal Pelas» 31 yoshli Rayan Meyson boshqaruvidagi «Tottenhem»ga yutqazdi.
• Himoyachi Grimaldo «Benfika» safidagi 300-o‘yinini o‘tkazdi.
• «Renn» darvozaboni Mandanda liga 1 doirasida 500-o‘yinini o‘tkazdi. Undan faqat Balmon (513) va Ilton (512) ko‘proq o‘ynashgan.
• «Beshiktosh» bosh murabbiyi Shenol Gunesh Turkiya superligasidagi 600-o‘yinini o‘tkazdi. Mutlaq rekordgacha 29 o‘yin qoldi.