Toshkentda avtobus va "Kobalt" to‘qnashib ketdi

Olmazor tumanida avtobus va "Kobalt" ishtirokida yo‘l-transport hodisasi sodir bo‘ldi. Bu haqda Toshkent shahar IIBB YHXB Axborot xizmati xabar qildi.

Foto: IIBB YHXB

Joriy yilning 7 may kuni soat 13.50 larda Olmazor tumani Keles yo‘li - Sag‘bon ko‘chalari kesishgan chorrahada yo‘l-transport hodisasi sodir bo‘lgan.

1985 yilda tug‘ilgan B.S. boshqaruvida bo‘lgan Saz Le-60 rusumli avtobus hamda 1974 yilda tug‘ilgan Z.Z. boshqaruvida bo‘lgan "Kobalt" rusumli avtomashina ishtirokida yo‘l-transport hodisasi kuzatilgan.

YTH oqibatida ikkala haydovchi tan jarohati olgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.