Qoʻshimcha funksionallar
-
Tungi ko‘rinish
Redmi’ning eng kuchli smartfoni iyulda taqdim qilinadi
Redmi K60 Extreme Edition (Redmi K60 Ultra) smartfoni yilning ikkinchi yarmida namoyish etiladi, deb xabar bermoqda insayder Digital Chat Station.
Foto: GSM Arena
Unga ko‘ra Redmi’ning eng kuchli smartfoni maqomini oladigan gadjet iyul oyida taqdim etiladi.
Smartfon MediaTek Dimensity 9200+ chipida ishlaydi. Bu chip o‘yinlarning ishlashida yuqori samaradorlikni ta’minlab beradi.
Qurilma 1,5 K tekis ekranga ega va u juda ingichka ramka bilan o‘ralgan. U o‘ta yuqori bo‘lgan 144 gers chastotani qo‘llab-quvvatlaydi.
Smartfon 5000 milliamper-soat quvvatga ega akkumulyator bilan jihozlangan. Tezkor quvvatlantirish imkoniyati mavjud. Asosiy kamera 50 megapikselli (IMX8 seriyasidagi kamera) bo‘lishi kutilmoqda. Shuningdek, u flagmanlarga xos suratlarni qayta ishlash xususiyatini ham o‘zida jamlaydi.
Ma’lumot uchun, Redmi Xitoyning Xiaomi kompaniyasiga tegishli sub-brend hisoblanadi.
