Prigojin Baxmut yaqinida AQSh fuqarosi halok bo‘lganini ma’lum qildi

"Vagner" XHK egasi Yevgeniy Prigojin 16 may, seshanba kuni e’lon qilingan videoda Baxmut yaqinidagi janglarda AQSh fuqarosi halok bo‘lganini bildirdi. Davlat departamenti vakilining “Amerika ovozi”ga aytishicha, Vashington “ma’lumotdan xabardor” va qo‘shimcha ma’lumot izlamoqda.

Videoda Yevgeniy Prigojin “AQSh fuqarosi Nikolas”ning hujjatlarini ko‘rsatgan. Shundan so‘ng, kadrda bino vayronalari ustida yotgan erkakning jasadi paydo bo‘lgan. "Uni Amerika Qo‘shma Shtatlariga topshiramiz, tobutga solamiz, Amerika bayrog‘ini yopib qo‘yamiz - hurmat bilan. Chunki u bobo bo‘lib to‘shakda o‘lmadi, urushda halok bo‘ldi", - deydi "Vagner" rahbari.

"Vagner" XHK halok bo‘lgan askar haqida "maqtanish" lavhalarini e’lon qilish orqali "zo‘ravonlikni ulug‘lash va normallashtirish" kampaniyasini davom ettirmoqda", - deya izoh berdi Amerika urushni o‘rganish instituti (ISW) Prigojinning videosiga. Ukraina OAVning 135-alohida bataloni vakili Igor Shepetinga tayangan holda ma’lum qilishicha, halok bo‘lgan shaxs - AQSh Qurolli kuchlari faxriysi Nikolas Maymer.

"Vagner" XHK asoschisi Yevgeniy Prigojin Baxmutdagi qiyin vaziyat va Ukrainaning kutilayotgan qarshi hujumi haqidagi xabarlar fonida Kreml va Rossiya Mudofaa vazirligini faol tanqid qilmoqda. Avvalroq, Prigojin o‘z ayblovlarida "hammasi yaxshi deb o‘ylayotgan", ammo "ahmoq" bo‘lib chiqishi mumkin bo‘lgan "baxtli chol" haqida aytib o‘tgandi. U aynan kimni nazarda tutganini ochiqlamagan.