G7 Rossiyadan qo‘shinlarini Ukrainadan to‘liq va so‘zsiz olib chiqib ketishni talab qildi

«Rossiya qo‘shinlari va harbiy texnikasini to‘liq va so‘zsiz olib chiqmasdan turib adolatli tinchlikni o‘rnatish mumkin emas. Bu nuqta har qanday tinchlik tashabbusida bo‘lishi kerak», deyiladi Xiroshimadagi G7 sammiti bayonotida. 

Germaniya federal kansleri Olaf Shols hozircha «to‘liq» so‘zini tilga olmagan holda, tinchlik muzokaralarining dastlabki sharti sifatida Rossiya qo‘shinlarini olib chiqib ketish haqida gapirgandi, deya eslatib o‘tdi Reuters. 

Xiroshimadagi G7 sammiti doirasida Buyuk Britaniya bosh vaziri Rishi Sunak Ukrainani to‘liq qo‘llab-quvvatlashini yana bir bor e’lon qildi. 

«Rossiya bilishi kerakki, biz va boshqa davlatlarda Ukrainani nafaqat shu yerda va hozir, balki uzoq muddatda ham o‘zini himoya qilish uchun zarur bo‘lgan resurslar bilan qo‘llab-quvvatlashda davom etish bo‘yicha qat’iy qaror bor», — dedi Britaniya hukumati rahbari Sky News bilan intervyuda. 

Sunak Rossiya Federatsiyasi prezidenti Vladimir Putinga alohida murojaat qildi. «Biz hech qayerga ketmaymiz», deya ma’lum qildi u.