Din ishlari bo‘yicha qo‘mita Oliy sud tomonidan ekstremizm va terrorizm g‘oyalari bilan yo‘g‘rilgan deb topilgan, O‘zbekiston hududiga olib kirish, tayyorlash, tarqatish va namoyish etish taqiqlangan materiallar ro‘yxatini ham e’lon qildi. 2023 yil 17 may holatiga ko‘ra aktual hisoblangan ro‘yxatda - Facebook, Telegram, Instagram, Youtube, Tik-tok, Odnoklassniki va boshqa manbalardagi materiallar manzillari ko‘rsatilgan.
O‘zbekistonda ekstremistik va terroristik mazmundagi materiallar joylashtirilgan internet saytlari, kanallar, profillarni aniqlash va ularni faoliyatiga chek qo‘yish yuzasidan mas’ul tashkilotlar qator ishlar amalga oshirmoqda. Xususan, Din ishlari bo‘yicha qo‘mita, DXX, IIV, AOKA hamkorligida internetda radikal diniy mazmundagi kontentlar aniqlanib, Oliy sud qarori bilan ular ekstremistik va terroristik materiallar deb topiladi.
Din ishlari bo‘yicha qo‘mitaning ma’lum qilishicha, ushbu tartibga asosan, Oliy sudning 60 ga yaqin qarori chiqarilib, ularga muvofiq 500 dan ortiq kontent radikal mazmunda deb topilgan hamda ularni O‘zbekiston hududida tayyorlash, tarqatish, saqlash, olib kirish va namoyish etish taqiqlangan.
Qo‘mita sud tomonidan ekstremistik yoki terroristik deb topilgan va O‘zbekistonda taqiqlangan tashkilotlar ro‘yxatini OAVlarda e’lon qilib, uning doimiy ravishda yangilab borilishini ta’minlash – prezident qarorida belgilangani eslatgan.
Shuningdek, bayonotda fuqarolardan shubhali diniy mazmundagi audio, video va boshqa turdagi media mahsulotlarni Internet saytlari va ijtimoiy tarmoq sahifalaridan yuklab olmaslik va tarqatmaslikni so‘ralgan.
Bundan tashqari, Din ishlari bo‘yicha qo‘mita Oliy sud tomonidan ekstremizm va terrorizm g‘oyalari bilan yo‘g‘rilgan deb topilgan, O‘zbekiston hududiga olib kirish, tayyorlash, tarqatish va namoyish etish taqiqlangan materiallar ro‘yxatini ham e’lon qildi.
2023 yil 17 may holatiga ko‘ra aktual hisoblangan ro‘yxatda — Facebook, Telegram, Instagram, Youtube, Tik-tok, Odnoklassniki va boshqa manbalardagi materiallar manzillari ko‘rsatilgan.
