Britaniya parlamenti Ukrainadagi Golodomorni genotsid deb tan oldi

Buyuk Britaniya jamoatlar palatasi Golodomorning Ukraina xalqi genotsidi sifatida tan olinishini bir ovozdan qo‘llab-quvvatladi.

Foto: Anadolu agency

Britaniya parlamenti Golodomorni - Ukrainadagi 1932-1933 yillardagi ocharchilikni - ukrain xalqining genotsidi sifatida tan oldi. Jamoalar palatasi deputatlari 25 may, payshanba kuni bir ovozdan rezolyutsiyani qo‘llab-quvvatladilar.

Ovoz berish tashabbuskori bo‘lgan konservativ partiya matbuot kotibi Polin Lethemning aytishicha, bu harakat Rossiya prezidenti Vladimir Putin va butun dunyoga Britaniya parlamenti Ukrainani qo‘llab-quvvatlashi va o‘tmishdagi yoki hozirgi urush jinoyatlariga toqat qilmasligi haqida aniq signal yuborishi kerak.

"Sovet Ittifoqi millionlab ukrainaliklarni majburiy ochlik va deportatsiya siyosati bilan qirib tashladi. Bu Ukrainadagi bugungi voqealarni eslatadi. 1930-yillardagi Stalin siyosati kabi, bugun ham ukrain xalqi va Ukraina o‘ziga xosligini yo‘q qilishga harakat kuzatilmoqda", - deya qo‘shimcha qildi Lethem.

Ukraina Britaniya parlamentining qarorini olqishladi. Oliy rada raisi Ruslan Stefanchuk hujjat mualliflari Polin Lethem va Styuart Makdonaldga minnatdorchilik bildirdi. “Bu tarixiy adolatni tiklash qarori va dunyoga bunday jinoyatlar hech qachon takrorlanmasligi kerakligi haqida eslatishdir”, dedi u.

#Britaniya #Golodomor