07:54 / 14.06.2023
5558

Toshkentda YeXHT DIIHB missiyasining saylovlarni kuzatish bo‘yicha ofisi ochildi

Yevropada xavfsizlik va hamkorlik tashkilotining Demokratik institutlar va inson huquqlari bo‘yicha byurosi (YeXHT DIIHB) 9 iyul kuni bo‘lib o‘tadigan muddatidan ilgari O‘zbekiston prezidenti saylovini kuzatish bo‘yicha missiyasini ochdi, deb xabar bermoqda «Dunyo».

Missiyani elchi Ursula Gachek boshqaradi. Missiya Toshkentda joylashgan 11 nafar xalqaro ekspert va 24 nafar uzoq muddatli kuzatuvchidan iborat asosiy guruhdan iborat bo‘lib, ular 14 iyundan boshlab butun mamlakat bo‘ylab joylashtiriladi. DIIHB, shuningdek, saylov kunidan bir necha kun oldin keladigan 250 nafar qisqa muddatli kuzatuvchilarni jalb etishni rejalashtirmoqda.

Missiya saylovlarning YeXHT va boshqa xalqaro majburiyatlar, demokratik saylovlar o‘tkazish standartlariga hamda milliy qonunchilikka muvofiqligini baholaydi.

Kuzatuvchilar saylov kunigacha ham, keyin ham saylovning barcha jabhalarini diqqat bilan kuzatib boradi. Aniq yo‘nalishlar qatoriga normativ-huquqiy bazani amalga oshirish, saylovoldi tashviqot, jumladan, ijtimoiy tarmoqlarda, barcha darajadagi saylov komissiyalari faoliyati, saylovga oid nizolarni hal etish va ommaviy axborot vositalarida yoritish kiradi. Kuzatuvchilar DIIHBning saylovlar bo‘yicha oldingi tavsiyalarining bajarilishini ham baholaydilar.

Missiya saylovdan keyin matbuot anjumani o‘tkazib, dastlabki xulosalarni taqdim etadi. Butun saylov jarayonini baholovchi va tavsiyalar beruvchi yakuniy hisobot saylovdan bir necha oy o‘tgach e’lon qilinadi.

Mavzu
Prezidentlik saylovi-2023
O‘zbekistonda 2023 yil 9 iyul kuni muddatidan ilgari prezidenti saylovi bo‘lib o‘tadi. Yangilangan Konstitutsiyaga ko‘ra, prezident vakolat muddati hozirgi 5 yildan 7 yilga oshirilgan.
Barchasi
Mavzuga oid
Top