Shahram G‘iyosov WBA Eliminator jangida yengilmas raqibini mag‘lub etdi

Shahram G‘iyosov 18 iyun kuni AQShning Nyu-Orlean shahrida amerikalik Harold Kalderonga qarshi WBA Eliminator jangida ringga ko‘tarildi.

Professional boksning yarim o‘rta vazn (-66,6 kg) toifasida yurishini davom ettirayotgan o‘zbekistonlik bokschi faoliyati davomida 27 ta jang o‘tkazib, ularning barchasida g‘alaba qozongan yengilmas raqibini ochkolar bo‘yicha mag‘lubiyatga uchratishga muvaffaq bo‘ldi — 120:108, 118:110, 116:112.

Natijada G‘iyosov 14-jangidagi 14-g‘alabasini qo‘lga kiritib, WBA chempionlik kamari uchun majburiy da’vogarga aylandi.

Shakhram Giyasov WINS A UNANIMOUS DECISION OVER Harold Calderon pic.twitter.com/WS6YJndpLQ

— Andrew Tucker World (@drew8527) June 18, 2023