O‘zbekistonga chegaradosh go‘zal maskan – Olabuqa manzaralari

Namangan viloyati Kosonsoy tumaniga chegaradosh Qirg‘izistonning Jalolobod viloyati shimoli-g‘arbida Olabuqa tumani joylashgan. 8 ta qishloq okrugini o‘z ichiga olgan tuman aholisining aksariyati – qirg‘izlar va o‘zbeklar.

Tuman uch tomondan O‘zbekiston hududi bilan o‘ralgan. Markaz qismida yoz kunlari harorat yuqori bo‘lsa-da, markazdan shimoldagi hududlarda harorat ancha salqin bo‘ladi, sababi hudud tog‘ bilan o‘ralgan.

Kun.uz muxbiri Olabuqaning aynan yuqori qismidagi go‘zal tabiat, u yerdagi Ak-baltirxan ko‘li va Olabuqa sharsharasini suratlarga muhrladi.

Zilol suvli Ak-baltirxan ko‘li dengiz sathidan 2 ming metr balandlikda joylashgan. Ko‘l, sharsharaning atrofi, oxiri ko‘rinmaydigan daraning atrofi Qrim sosnasi bilan o‘ralgan. Cho‘ponlarning aytishicha, bu atrofda bo‘ri, ayiq, qoplon va ko‘plab yovvoyi yirtqich hayvonlar ko‘p uchraydi.