Yerdagi o‘rtacha harorat eng yuqori tarixiy ko‘rsatkichni yangiladi 

7 iyul kuni Yerdagi o‘rtacha harorat butun kuzatuvlar davri bo‘yicha maksimal darajada yangilandi. Buni sayyora holatini o‘lchash uchun sun’iy yo‘ldosh ma’lumotlari va kompyuter simulyatsiyalaridan foydalanadigan Men universiteti (AQSh) ma’lumotlari tasdiqladi.

Bu joriy haftadagi uchinchi rekorddir. 3 iyul kuni sayyoramizdagi o‘rtacha havo harorati ilk bor Tselsiy bo‘yicha +17 darajadan oshdi. 4 iyul kuni +17,18 daraja, 7 iyul kuni esa +17,23 darajaga yetdi.

Dunyoning ko‘plab hududlarida havo haroratining rekord ko‘rsatkichlari qayd etildi. Masalan, Xitoyning Tszinsin viloyatida termometr ko‘rsatkichi Tselsiy bo‘yicha 43,3 darajaga ko‘tarildi.

Pensilvaniya universiteti iqlimshunosi Maykl Mann 2021 yilgi tadqiqotga tayanib, bu muzlik davridan keyingi 120 ming yil ichidagi eng issiq kunlar ekanini ta’kidladi.

Shu bilan birga, olimlar raqamlarning bunchalik tez o‘zgarishi ancha jiddiy muammoning belgisi ekanini aytmoqda. Jumladan, ular Tinch okeanining ekvatorial qismidagi «El-Ninyo» hodisasi bu o‘zgarishlar sababchisi ekanini ta’kidlamoqda.

Iqlimshunoslarning qayd etishicha, yer sharining 70 foizini egallagan okeanlarda bir necha oy davomida rekord darajadagi issiqlik kuzatilmoqda. Bu dunyoning turli burchaklarida tabiiy ofatlarga olib kelishi mumkin.