Toshkentda 3 ta avtomobil ishtirokida yuz bergan YTHda bir kishi jarohat oldi

Toshkent shahar IIBB Yo‘l harakati xavfsizligi boshqarmasi xabariga ko‘ra, joriy yilning 19 iyul kuni soat 22:00da Uchtepa tumani Shirin ko‘chasida yo‘l-transport hodisasi kuzatilgan.

Unda, 2002 yilda tug‘ilgan M.Sh. boshqaruvida bo‘lgan davlat raqami “Nexia-3” rusumli avtomashina, 1993 yilda tug‘ilgan B.Z. boshqaruvida bo‘lgan “Kobalt” rusumli avtomashina va 2003 yilda tug‘ilgan O.A. boshqaruvida bo‘lgan “Matiz” rusumli avtomashinalari ishtirokida YTH qayd etilgan.

YTH oqibatida “Nexia-3” rusumli avtomashina haydovchisi tan jarohati olib, shifoxonaga yotqizilgan.

Holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.