O‘zbekistonlik yana bir futbolchi Yevropaning kuchli beshlik chempionatlaridan biriga yo‘l olishi mumkin.
SportItalia xabariga ko‘ra, Turkiyaning «Fotih Karagyumruk» klubi a’zosi Otabek Shukurovga Italiyaning «Jyenoa» klubi qiziqish bildirmoqda.
Alberto Jilardino murabbiyligidagi Genuya klubi o‘tgan mavsum yakunlariga ko‘ra A Seriyaga qaytgach, tarkibini kuchaytirish maqsadida O‘zbekiston milliy jamoasining 27 yoshli yarimhimoyachisiga qiziqmoqda. Shukurov o‘tgan mavsum Turkiya Superligasida 28 o‘yinda maydonga tushib, gol va assist qayd etgan.
Eslatib o‘tamiz, 2020/21 yilgi mavsumda Eldor Shomurodov «Jyenoa» safida muvaffaqiyatli o‘yin namoyish etgandi.