Ozarboyjonda ozar tilida qayta chop etilgan «O‘tkan kunlar» romanining taqdimoti bo‘lib o‘tdi

Madaniyat vazirligi ma’lumotiga ko‘ra, Boku shahridagi Ozarboyjon Milliy kutubxonasida O‘zbek milliy adabiyoti ekspozitsiyasi tashkil etildi. Unda Abdulla Qodiriyning ozar tilida qayta chop etilgan «O‘tkan kunlar» romanining taqdimoti bo‘lib o‘tdi.

«Ushbu asar ilk bor 1929 yilda ozar tiliga o‘girilib, bir necha bor qayta nashr etilgan. Bu ikki xalq adabiyotining o‘zaro mushtarakligi mevasi. Asarda ko‘tarilgan masalalar, tarixiy voqealar, qahramonlar taqdiri ozarboyjonliklarga ham begona emas. Shu sababli turkiy xalqlar «O‘tkan kunlar» asariga qayta-qayta murojaat qiladi. Shu nuqtayi nazardan, bu asarni butun turkiy xalqlarning adabiy mulki, deb aytsak xato bo‘lmaydi»,- deydi Qodiriyning nabirasi Xondamir Qodiriy.