O‘zbekistonda yana zilzila sezildi

Afg‘onistonda 6 avgust kuni soat 05:32 da sodir bo‘lgan zilzila O‘zbekistonning qator hududlarida sezildi.

FVV Seysmoprognostik monitoring Respublika markazi xabariga ko‘ra, episentri Toshkentdan 536 kilometr janubiy-sharqda joylashgan zilzila magnitudasi 5,9 ball, chuqurligi 100 kilometrga teng bo‘lgan.

O‘zbekiston hududida sezilish kuchi:

• Surxondaryo viloyatida – 4 ball;
• Farg‘ona viloyatida – 4 ball;
• Sirdaryo viloyatida – 3-4 ball;
• Jizzax viloyatida – 3-4 ball;
• Samarqand viloyatida – 3-4 ball;
• Andijon viloyatida – 3-4 ball;
• Qashqadaryo viloyatida – 3-4 ball;
• Namangan viloyatida – 3-4 ball;
• Toshkent shahrida – 3 ball.

Afg‘onistonda 5 avgust kuni sodir bo‘lgan zilzila ham O‘zbekistonning to‘qqizta hududida sezilgandi.