Mirzo Ulug‘bek va Yashnobod tumani iste’molchilarining bir qismi elektr ta’minotidan uzildi

Bugun, 11 avgust kuni soat 11:28 da Toshkent shahridagi 35 kVli «L-Parkenskaya-1,2» elektr uzatish tarmog‘ida nosozlik yuzaga kelgan.

Energetika vazirligi xabariga ko‘ra, buning natijasida Mirzo Ulug‘bek va Yashnobod tumani iste’molchilarining bir qismi (4500 ta iste’molchi) elektr ta’minotidan uzilgan.

Ma’lum qilinishicha, hozirgi vaqtda mazkur nosozlikni bartaraf etish choralari ko‘rilmoqda.

Vazirlik keltirilgan noqulayliklar uchun iste’molchilardan uzr so‘ragan.