Makka shahriga kuchli bo‘ron yopirildi

Bo‘ron transport va elektr ta’minotida uzilishlarga olib kelgan. Ayrim yo‘llar yopilib, jamoat transporti harakati cheklangan.

Foto: Videodan kadr

Saudiya Arabistonining Makka viloyatida kuchli bo‘ron kuzatilib, shamol 80 km/s tezlikda esdi. Oqibatda bir qancha binolar vayron bo‘ldi, reklama taxtalari, metall konstruksiyalar va chiqindi qutilariga zarar yetdi. Bir necha kishi jabrlandi.

Bo‘ron tufayli Makka hukumati qirollik maktablari, kollejlari va universitetlarida darslarni masofaviy formatga o‘tkazishga qaror qildi.

Saudiya Arabistoni Milliy meteorologiya markazi vakili Husayn al-Qahtoniy so‘zlariga ko‘ra, muqaddas shaharga zarba bergan shamol tezligi 80 km/s bo‘lgan. Bo‘ron transport va elektr ta’minotida uzilishlarga olib kelgan. Ayrim yo‘llar yopilib, jamoat transporti harakati cheklangan.

Makka rasmiylari aholini ehtiyot bo‘lishga va bo‘ron paytida tashqariga chiqmaslikka chaqirmoqda.