Jinoyat kodeksiga seysmik xavfsizlik bo‘yicha o‘zgartirishlar kiritiladi

Jinoyat kodeksining 229-3-moddasiga shaharsozlik to‘g‘risidagi qonunchilikka muvofiq binolarni, inshootlarni yoki boshqa obektlarni qurishga, rekonstruksiya qilishga va kapital ta’mirlashga taqiqlar (cheklovlar) belgilangan zonalarda shunday ishlarni amalga oshirganlik uchun jinoiy javobgarlikni keskin ravishda oshirishga qaratilgan o‘zgartirishlar kiritilmoqda.

Ma’muriy javobgarlik kodeksi 99-moddasiga (Shaharsozlik to‘g‘risidagi qonunchilikni buzish) Shaharsozlik hujjatlarini ishlab chiquvchilarning buyurtmachiga qurilish-montaj ishlarini shaharsozlik hujjatlariga muvofiq amalga oshirish bo‘yicha beriladigan yozma ko‘rsatmalarini buyurtmachi tomonidan bajarishdan bo‘yin tovlash yoki o‘z vaqtida bajarmaganlik uchun javobgarlikni joriy etish taklif etilmoqda.

Unga ko‘ra, bunday yozma ko‘rsatmalarni bajarmaslik uchun fuqarolarga bazaviy hisoblash miqdorining besh baravaridan o‘n baravarigacha, mansabdor shaxslarga esa — o‘n baravaridan yigirma baravarigacha miqdorda jarima jazosi nazarda tutilmoqda.

Ma’muriy javobgarlik kodeksining 99-moddasining o‘ninchi qismi sanksiyasi kuchaytirilib, shaharsozlik to‘g‘risidagi qonunchilikka muvofiq binolarni, inshootlarni yoki boshqa obektlarni qurishga, rekonstruksiya qilishga va kapital ta’mirlashga taqiqlar (cheklovlar) belgilangan zonalarda shunday ishlarni amalga oshirganlik uchun fuqarolarga bazaviy hisoblash miqdorining yetmish baravaridan yuz baravarigacha, mansabdor shaxslarga esa — yuz baravaridan bir yuz ellik baravarigacha miqdorda jarima jazosi belgilash taklif etilmoqda.