Gap taxminan 5,06 milliard dollarlik 25 tagacha F-35A qiruvchi samolyotlari va tegishli jihozlarni sotish haqida ketmoqda.
AQSh Davlat departamenti Janubiy Koreyaga taxminan 5,06 milliard dollarlik F-35A qiruvchi samolyotlari va tegishli jihozlarni sotishni ma’qulladi, deb xabar bermoqda Pentagon mudofaa xavfsizligi bo‘yicha hamkorlik agentligi (DSCA).
Xususan, gap Janubiy Koreyaga 25 tagacha F-35A qiruvchi samolyoti va 26 tagacha F-135-PW-100 dvigatellari hamda operatsiya uchun zarur bo‘lgan boshqa jihozlarni sotish haqida bormoqda.
«Sotishni tasdiqlash to‘g‘risida bildirishnoma AQSh Kongressiga yuborildi», deyiladi bayonotda.
Agentlikning ta’kidlashicha, taklif etilayotgan kelishuv AQSh tashqi siyosati va milliy xavfsizlik maqsadlarini ilgari suradi, «mintaqadagi tajovuzni oldini oladi», Janubiy Koreyaning hozirgi va kelajakdagi tahdidlarga qarshi turish qobiliyatini oshiradi.
AQSh Davlat departamentining qurol sotishni ma’qullashi AQSh ma’muriyatining kelishuvga e’tirozi yo‘qligini anglatadi.
Agar AQSh Kongressi 30 kun ichida AQSh Davlat departamentining qaroriga e’tiroz bildirmasa, Vashington ma’muriyati tasdiqlangan kelishuv bo‘yicha mamlakat bilan muzokaralar boshlaydi.
