To‘qayev Qozog‘iston quruqlikdagi qo‘shinlari bosh qo‘mondonini o‘zgartirdi

Asan Jusupov quruqlikdagi qo‘shinlarga yangi bosh qo‘mondon etib tayinlandi.

Asan Jusupov Foto: CentralAsia

Qozog‘iston prezidenti Qosim-Jo‘mart To‘qayev Qozog‘iston Respublikasi Qurolli kuchlari quruqlikdagi qo‘shinlari bosh qo‘mondoni lavozimidan ozod etish va tayinlash to‘g‘risidagi farmonni imzoladi.

Davlat rahbarining farmoni bilan Talgat Qo‘ybakov Qozog‘iston Respublikasi Qurolli kuchlari quruqlikdagi qo‘shinlari bosh qo‘mondoni lavozimidan ozod etildi.

Prezidentning boshqa farmoni bilan Asan Jusupov Qozog‘iston Qurolli kuchlari quruqlikdagi qo‘shinlari bosh qo‘mondoni etib tayinlandi.

Qozog‘iston Respublikasi Qurolli kuchlarining quruqlikdagi qo‘shinlari — Qozog‘iston Respublikasi qurolli kuchlari turlaridan biri. U 1993 yil 9 aprelda tuzilgan.