Lamin Yamal Chempionlar ligasi 2-turi doirasida «Barselona»ning «Portu»ga qarshi asosiy tarkibida maydonga tushdi.
Shu tariqa, Yamal Chempionlar ligasi tarixida asosiy tarkibda maydonga tushgan eng yosh o‘yinchiga aylandi. U 16 yosh 83 kunligida YeChLda asosiy tarkibda to‘p surdi.
Bunga qadar YeChLda asosiy tarkibda maydonga tushgan eng yosh o‘yinchi «Anderlext» sobiq a’zosi Selestin Babayaro hisoblanardi. U 16 yosh 86 kunligida YeChLda asosiy tarkibda o‘ynagan edi.