Қозоғистон пойтахти Остона шаҳрида Туркий давлатлар ташкилоти (ТДТ) Давлат раҳбарлари кенгаши йиғилиши якунланди.
Унда Ўзбекистон, Қирғизистон, Озарбойжон, Қозоғистон ва Туркия давлат раҳбарлари томонидан 10 та ҳужжат имзоланди:
- ТДТ ўнинчи саммити декларацияси;
- «Остона» акти;
- Ўзбекистон президенти Шавкат Мирзиёевни Турк дунёсининг олий ордени билан тақдирлаш тўғрисидаги қарор;
- 6 феврални ТДТ доирасида Табиий офат қурбонларини хотирлаш ва бирдамлик куни деб эълон қилиш тўғрисидаги қарор;
- «Турк дунёси молия марказлари тўғрисида»ги қарор;
- Туркий ҳамкорлик ташкилотлари байроқларини уйғунлаштириш тўғрисидаги қарор;
- Иқтисодий ҳамкорлик ташкилотига (ИҲТ) ТДТ кузатувчи мақомини бериш тўғрисидаги қарор;
- ТДТ бош котиби ўринбосари ва Туркий халқлар маданияти ва мероси жамғармаси президентини тайинлаш тўғрисидаги қарор;
- ТДТ аъзо давлатлар тегишли муассасаларининг метрология соҳасидаги ҳамкорлик баённомаси;
- 2023-2027 йилларга мўлжалланган ТДТ Транспорт дастурини амалга ошириш бўйича қўшма ҳаракатлар режаси (йўл харитаси).
Туркий давлатлар ташкилоти (ТДТ) Давлат раҳбарлари кенгашининг навбатдаги йиғилиши 2024 йили Қирғизистонда ўтказилади.
