Samarqandda turar joy binolarini noturar mulk obektiga o‘tkazib berishni va’da qilgan shaxs ushlandi

Samarqand viloyati Bulung‘ur tumanida pul evaziga turar joy binolarini noturar mulk obektiga o‘tkazib berishni va’da qilgan shaxs ushlandi, deb xabar beradi Bosh prokuratura huzuridagi departament.

Qayd etilishicha, departamentning Bulung‘ur tuman bo‘limi tomonidan DXX xodimlari bilan hamkorlikda tezkor tadbir o‘tkazilgan. Tadbirda S.S. ismli shaxs fuqaro A.X.ning ishonchiga kirib, unga fuqaro J.R.ga tegishli yer maydonida qurilgan turar joy binolarini noturar mulk obektiga o‘tkazib berishi evaziga 6 ming dollarni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.