HAMAS garovga olinganlarning hayoti uchun javobgarlar bilan aloqa uzilganini ma’lum qildi

Garovga olinganlarning taqdiri ham hozircha noma’lum.

Foto: Reuters

Falastinning HAMAS harakati garovga olinganlar hayoti uchun mas’ul guruhlar bilan aloqa uzilib qolganini ma’lum qildi. Bu haqda Al-Qahera Al-Ekhbariya telekanali xabar berdi.

Qayd etilishicha, HAMAS «garovga olingan isroilliklarni qo‘riqlash vazifasi yuklangan bir qator guruhlar bilan aloqalarini yo‘qotgan».

Telekanal ma’lumotlariga ko‘ra, garovga olinganlarning taqdiri hozircha noma’lum.

HAMAS harakatiga aloqador guruhlar bilan aloqa yo‘qligi sabablari ham ma’lum qilinmagan.

Avvalroq, Isroil hukumati garovga olinganlarni ozod qilish evaziga G‘azodagi jangovar harakatlarni uzoq muddatga to‘xtatishga tayyor ekani haqida xabar berilgan edi. Isroil rasmiylari HAMAS bilan garovga olingan 70-80 kishini ozod qilish bo‘yicha kelishuvni muhokama qilishga tayyorligi ta’kidlandi.

#Isroil #Falastin #Hamas

2023 yil 7 oktyabr kuni G‘azo bo‘lgasidagi Hamas kuchlari Isroilga yoppasiga raketa zarbalari berib, chegaradagi aholi punktlarini egallay boshladi. Bunga javoban Isroil qo‘shinlari G‘azo bo‘lgasiga bostirib kirdi. Bu safargi eskalatsiya avval kuzatilmagan darajada ko‘p qurbonlarga olib keldi.