«O‘zbekiston temiryo‘llari» sobiq raisi kompaniya bosh muhandisi etib tayinlandi

O‘zbekiston hukumatning tegishli qaroriga muvofiq «O‘zbekiston temiryo‘llari» tizimida yangi tayinlovlar amalga oshirildi.

Jumladan:

Zufar Narzullayev – «O‘zbekiston temiryo‘llari» boshqaruv raisi lavozimiga;

Hikmatulla Rahmetov – «O‘zbekiston temiryo‘llari» boshqaruvi raisining transformatsiya, raqamlashtirish va moliya bo‘yicha birinchi o‘rinbosari lavozimiga;

Husniddin Hosilov – «O‘zbekiston temiryo‘llari» bosh muhandisi lavozimiga;

Abdumalik Komiljonov – «O‘zbekiston temiryo‘llari» boshqaruvi raisining tashishlar va logistika bo‘yicha o‘rinbosari lavozimiga;

Elyor Rizayev – «O‘zbekiston temiryo‘llari» boshqaruvi raisining temiryo‘l obektlarini ta’mirlash va qurish bo‘yicha o‘rinbosari lavozimlariga tasdiqlandi.

Ma’lumot uchun, «O‘zbekiston temiryo‘llari» sobiq raisi Husniddin Hosilov iyul oyida o‘tkazilgan videoselektor yig‘ilishida investitsiyalarni jalb qilish va ularni o‘zlashtirishda sustkashlikka yo‘l qo‘ygani uchun ishdan olingandi.

U 1970 yilda Toshkent viloyatida tug‘ilgan. 1992 yilda Toshkent temiryo‘l muhandislari institutini injyener-mexanik mutaxassisligi bo‘yicha tamomlagan. Mehnat faoliyati davomida «O‘zinterservis» qo‘shma korxonasi, «O‘ztemiryo‘lmashta’mir» unitar korxonasi, «O‘zbekiston temiryo‘llari» DATK, Vazirlar Mahkamasi departamentida turli lavozimlarda ishlagan.

2016 yil apreldan «O‘zbekiston temiryo‘llari» aksiyadorlik jamiyatining bosh menejyer — bosh muhandisi lavozimida ishlay boshlagan. U 2019 yilning fevralida 2002 yildan buyon kompaniya boshqaruv raisi sifatida ishlab kelgan Ochilboy Ramatov o‘rnini egallagan.

temiryo‘l, Husniddin Hosilov 
https://t.me/uzrailways_uz/6956