Ketma-ket 11 qurbon: umrbod qamalgan “kirakaş” sinfdoşlarning seriyali qotilliklari
|23:22 / 23.12.202360 25815 min
2011 yilning 12 noyabridan 2012 yilning 9 apreligaça Özbekiston va Qozoğiston çegara hududlari, xususan Yuqori Çirçiq va Çimkentda ketma-ket 11 nafar ayolning murdasi qotillik alomatlari bilan topiladi. Öldirilganlarning 6 nafari Özbekiston, 4 nafari Qozoğiston va 1 nafari Ukraina fuqarosi edi. Mazkur jinoyat öşa paytda ikki davlatning çegara hududlarida yaşovçi aholi orasida “odamxör” paydo bölgani haqida şunçalik şov-şuv keltirib çiqaradiki, ayollar uyidan çiqişga, yolğiz yurişga qörqib qoladi.
“Çaqilmagan yonğoq” va sirli dalil
2011 yilning oxiri va 2012 yilning boşida Qozoğistonning Janubiy Qozoğiston viloyatidagi ovloq joylardan ketma-ket tört ayolning murdasi qotillik alomatlari bilan topiladi. Bu paytda Özbekistonda ham şu kabi holat kuzatilgan, 7 nafar ayol navbati bilan öldirib ketilgandi. Öldirib ketilgan ayollarning eng kiçigi 21, eng katta esa 53 yoş bölgan.
Mazkur jinoyat öşa paytda ikki davlatning çegara hududlarida yaşovçi aholini qörquvga sola boşlaydi. Sababi, hali u yerdan, hali bu yerdan öldirilib ketilgan ayolning murdasi topilar, ammo qotillarni izlaşdagi harakatlar natija bermayotgan edi. Sirli jinoyatçilar haqidagi gap-sözlar tildan tilga köçib, “odamxör paydo bölibdi, ayollarni öldirib, qonini sörib ketarkan” degan vahimaga aylanadi. Xotin-qizlar köçaga çiqişga, yolğiz yurişga qörqib qolişadi.
Kalavaning uçini topiş tobora çigallaşib borar, qotillarning iziga tuşiş qiyin keçayotgan bir paytda yangi qurbonlar topilgani haqidagi xabarlar tarqalardi. Ikki davlatdagi qotilliklar bir-biriga öxşaş, ya’ni qotillik uslubi bir xil edi: ayollar avvaliga zörlangan va keyin böğib öldirilib, yonidagi pul hamda boşqa buyumlar olib ketilgan. Bu mazkur qotilliklar bitta jinoiy töda tomonidan amalga oşirilgan, degan taxminni yuzaga çiqaradi.
Ikki qöşni davlatning tezkor xodimlari oldida “çaqilmagan yonğoq” turardi: jinoyatlar bir-biriga boğliqmi, qotillar kim va nega faqat ayollarni öldirişgan? “Piçoqqa ilingulik” yagona dalil ayollardan biri öldirilişidan oldin Çimkentdagi temiryöl vokzalidan çiqib, qora rangli “Mercedes-Benz” maşinasiga minib ketgani edi.
Manziliga yetmagan yölovçi
29 yoşli Yekaterina Tişkunova 2011 yilning 19 dekabr kuni Çimkentdagi temiryöl vokzalidan çiqib, izsiz ğoyib böladi. U ikki kun oldin Qarağanda şahriga singlisini körgani ketgan va öşa yerdan mehmondorçilikdan qaytayotgandi.
Mavzuga oid
Yaqin qarindoşlari uyali telefoni öçirilgan va safardan qaytgaç ham ikki kun işga bormagan Yekaterinani izlaşga tuşişadi. Çimkent şahridagi barça şifoxona va morglarni qarab çiqiş natija bermaydi, u heç qayerda yöq edi. Bu haqda IIBga ariza beriladi. Nihoyat Yekaterina topiladi, ammo tirigi emas: uning murdasida qotillik alomatlari bor edi.
Huquqni muhofaza qiluvçi taşkilotlar xodimlari işga kirişadi, qator ekspertizalar tayinlanadi. Lekin tergov harakatlari dalillar kamligi tufayli hadeganda natija beravermaydi. Suriştiruv işlari davomida Yekaterina Tişkunova temiryöl vokzalidan çiqib, qora rangli “Mercedes-Benz” maşinasiga minib ketgani ma’lum böladi. Bu jinoyatni oçiş mumkin bölgan dalillardan biri edi.
Jinoyat işi doirasida 2 mingdan ortiq şaxs guvoh sifatida söroqqa jalb etiladi, 500 dan ortiq “Mersedes-Benz” avtomaşinasining egalari jinoyatga aloqadorligi tekşiriladi, 50 mingdan ortiq mobil aloqa abonent raqamlari tahlil qilinadi.
“Kirakaş” qotillar
Qora rangdagi “Mersedes-Benz” maşinasi Qozoğistondan izlanayotgan bir paytda u Özbekistonda yurgandi va uning davlat raqami 10 U 808 DA bölgan. Maşinaning egasi Toşkent viloyati, Yuqori Çirçiq tumani Jambul qişloğida yaşovçi Qozoğiston fuqarosi Polatbay Berdaliyev edi. 25 yoşli Polatbayga maşinani onasi 2010 yilning kuz oylarida Sergeli maşina bozoridan 11 ming dollarga sotib olib bergandi. Navqiron yigit qop-qora “Mersedes-Benz” maşinasida kirakaşlik qilib turar, gohida sinfdoş örtoği Abduseit Ormanovni (Özbekiston fuqarosi) özi bilan birga olib yurardi.
Suriştiruv va tergov harakatlari davomida 5 oyda 11 nafar ayolni mana şu ikki sinfdoş yigit öldirgani ma’lum böladi. Ular qotillikni qaçon, qanday amalga oşirgan va qurbonlar kim edi?
2011 yil 12 noyabr –Tamara Aşirova
Abduseit va Polatbay şu kuni soat 21:30 lar atrofida Toşkent viloyati Zangiota tumanida joylaşgan “Ğiştköprik” bojxona-çegara maskaniga borişadi. Ularning maqsadi bojxona-çegara maskani orqali Özbekiston hududiga ötgan yolğiz ayollarni taksi xizmati körsatiş bahonasida kimsasiz joyga olib borib, talon-toroj qiliş edi.
Oson boyişni kasb qilib olgan yigitlarning töriga eng birinçi 31 yoşli Tamara Aşirova ilinadi. U öşa soatlarda bojxona-çegara maskani orqali Özbekistonga ötgan va yölda maşina kutayotgandi.
“Kirakaşlar” aldov yöli bilan Tamarani özlarining boşqaruvida bölgan “Mersedes-Benz 180-S” maşinasiga ötqazişadi. Keyin uni aylanma yöllar orqali Ohangaron tumani, Döstlik qişloği hududidan ötgan Toşkent-Olmaliq yölining 42-kilometriga olib borişadi. Maşinani avtomagistraldan 60-70 metr pastlikdagi dala maydonga olib tuşişadi. Yigitlar bu yerda Tamara Aşirovaga zörlik işlatib, uning nomusiga tegişadi. Söngra uni sumka boğiçi yordamida böğib, qasddan öldirişadi.
Yonidagi pul va buyumlari talon-toroj qilingaç, Tamara Aşirovaning murdasi va fuqarolik pasporti yoqib yuborilgan.
2011 yil 29 noyabr – Muhabbat Razzoqova
Ikki sinfdoş navbatdagi qotillikni oradan 17 kun ötib sodir qilgan. Ular 29 noyabr kuni keçki payt yana “Ğiştköprik” bojxona-çegara maskaniga borişadi. Bu safar qora “Mersedes-Benz” maşinasiga yölovçi sifatida Toşkent şahrining Sergeli tumanida yaşovçi 44 yoşli Özbekiston fuqarosi Muhabbat Razzoqova minadi.
Abduseit va Polatbay yölovçini çalğitib, uni aylanma yöllar orqali Toşkent viloyati Yuqori Çirçiq tumani Tinçlik qişloği hududiga fermer xöjalikning dalasiga olib borişadi. Şu yerda ayolga hujum qilib, zörlaşgan hamda arqon yordamida böğib öldirişgan. Söngra pulini ömarişib, ayolning murdasi va fuqarolik pasportini yoqib yuborişadi.
2011 yil 3 dekabr – Nagima Bekbauva
Qotil sinfdoşlarning “iştahasi oçilib” ketgandi. Ular 2011 yil 3 dekabr kuni soat 18:45 larda “Ğiştköprik” bojxona-çegara maskaniga borib, taksist sifatida Qozoğistondan Özbekistonga yolğiz ötib kelayotgan 22 yoşli Özbekiston fuqarosi Nagima Bekbauvani maşinaga mindirib olişadi.
Yölovçining borar manzili Yuqori Çirçiq tumani Saksonota qişloği edi. Ammo “kirikaşlar” uni aylanma yöllar orqali Yuqori Çirçiq tumani, Istiqlol qişloği hududidan ötgan “Bektemir-Ğazalkent” avtomobil yölining 23-kilometriga olib borişadi. Şu yerda ovloq joyga olib tuşib, uning nomusiga tegişadi hamda ayollar römoli yordamida böğib öldirişadi.
Nagimaning yonidagi pul va buyumlarini bosqinçilik yöli bilan qölga kiritgan yigitlar uning fuqarolik pasportini yöq qilib, voqea joyidan yaşirinişgan.
2011 yil 7 dekabr – Nuripa Mizanova
Ikki sinfdoşning navbatdagi “ovi” ham “Ğiştköprik” bojxona-çegara maskanida bölgan. Qotillarning qora maşinasiga bu safar 1972 yilda tuğilgan, Qozoğiston Respublikasi Janubiy Qozoğiston viloyati Çimkent şahri Muldoğulova köçasida yaşab kelgan Özbekiston fuqarosi Nuripa Mizanova minadi. U Qozoğistondan Özbekistonga kelayotgandi.
Yigitlar “navbatdagi ölja”ni aylanma yöllar orqali Yuqori Çirçiq tumani Surankent qişloği hududidagi ovloq joyga olib kelişadi.
Kutilmagan hujumdan Nuripaning esi oğib qoladi. Ammo qança qarşilik qilmasin, ikki yigitga kuçi yetmasdi: qotillar uni avvaliga zörlab, keyin özining şarfi bilan böğib öldirişadi. Söngra ayolning yonidagi pul, tilla taqinçoqlar va boşqa buyumlarni olib, voqea joyidan ketişadi.
2011 yil 19 dekabr – Yekaterina Tişkunova
Ketma-ket qotilliklarning “izi” biroz sovişi kerak edi. Şu sababli, yigitlar bu safargi rejani Qozoğiston hududida “köçirişadi”.
“Kirakaşlar” 2011 yil 19 dekabr kuni soat taxminan 6:20 larda Çimkentdagi temiryöl vokzali yonida poyezddan tuşgan 29 yoşli Yekaterinani manziliga olib borib qöyiş uçun maşinaga mindirişadi. Öşa lahzalarda ayol sanoqli soatlardan söng uni nima kutayotganini, özini vahşiy qotillar qöliga topşirayotganini bilmasdi.
Abduseit va Polatbay maşinani Olmota-Termiz yönalişining 710-kilometrida töxtatib, hujumga ötişadi. Bu safargi qotillik ham eski uslubda amalga oşirilgan: Yekaterina avvaliga zörlangan, söngra öziga tegişli ayollar sumkasining uşlagiçi bilan böğib öldirilgan. Yonidagi pul va buyumlari esa olib ketilgan.
2011 yil 28 dekabr – Ra’no Rasaxöjayeva
Asli farğonalik bölgan va tibbiyot sohasida işlagan Ra’no Rasaxöjayeva 2010 yil dekabr oyi oxirida Toşkent şahriga keladi hamda “Perfectum Mobile” kompaniyasiga operator vazifasiga işga joylaşadi. 2011 yilning 29 dekabr kuni uning murdasi qotillik alomatlari bilan Toşkent şahri Mirobod tumani Qöyliq 1-dahasidagi avtogarajlar yonidan topiladi.
Öz jinoiy harakatlarini asosan ovloq joylarda amalga oşirib yurgan Abduseit va Polatbay bu safargi qotillikni Toşkent şahrining özida amalga oşirib qöya qolişgandi.
2011 yilning 28 dekabr kuni sinfdoşlar öşa “qonli Mersedes”ni Toşkent şahri Mirobod tumani T.Şevçenko köçasida boşqarib ketayotib, 25 yoşli Ra’no Rasaxöjayevani yölovçi sifatida mindirişadi. Avvaliga maşinani Ra’noning körsatmasi bilan Mirobod tumani, D.Kunayeva köçasi tomon boşqarib borişadi. Köp qavatli uylarning hovlisiga yetib kelganlarida maşinani qoronği joyda töxtatib, Ra’noga hujum qilişadi.
Ayolning qarşilik körsatişiga qaramasdan uni zörlaşadi hamda öz sumkasining tutqiçi bilan böğib öldirişadi. Söngra yonidagi pul va tilla buyumlarini olib, murdani Qöyliq 1-dahasidagi avtogarajlar oldiga taşlab ketaşadi.
2012 yil 9 yanvar – Mahbuba Mirzahmedova
Qotillar 2012 yil yanvar kuni soat 18:30 larda yolğiz ayollarni qidirib, Toşkent şahri Bektemir tumanidagi “Suvsoz” dahasining X.Boyqaro köçasidan ötib ketişayotgan vaqtda Çilonzor tumani, Astrobod köçasida yaşovçi qiz yölovçi sifatida maşinaga ötiradi. Bu 21 yoşli Mahbuba Mirzahmedova edi.
Afsuski, u ham manziliga yetib bormagan. “Kirakaşlar” Mahbubani aylanma yöllar orqali Bektemir tumani hududidan ötgan Toşkent avtomobil halqa yölida joylaşgan 2-sonli temir beton mahsulotlari işlab çiqariş zavodi yoniga olib borişgan. Öşa yerda qizni avvaliga zörlab, keyin özining oyoq kiyimi boğiçi bilan böğib öldirişgan. Söngra yonidagi pul va buyumlarini olib, murdani beton ariq içiga taşlab, voqea joyidan yaşirinişgan.
2012 yil 10-11 fevral – Aliya Dauletbayeva va Saylaugul Serikbayeva
Jinoiy guruhning navbatdagi ikki qotilligi bir kun farqi bilan Qozoğiston hududida sodir etilgan.
Sinfdoş yigitlar 2012 yilning 10 fevral kuni “Mersedes-Benz” maşinasida Toşkent viloyatida joylaşgan “Qoplonbek” bojxona-çegara maskani orqali Janubiy Qozoğiston viloyati, Sarioğoç tumaniga ötişgan. Tuman hududida maşinaga 1987 yilda tuğilgan Aliya Dauletbayevani mindirişgan hamda uni manziliga eltib qöymasdan aylanma yöllar orqali Çimkent şahridan 30 km olisga olib borişgan.
Ovloq joyda Aliyani urib, yonidagi pul va buyumlarini tortib olişgan. Söngra özining oyoq kiyimi boğiçi bilan ayolni böğib öldirib, taşlab ketişgan.
Oradan bir kun ötib, 11 fevral kuni qotillar Çimkent şahridagi temiryöl vokzali yoniga kelib, şu yerda maşinaga poyezddan tuşgan, 1958 yilda tuğilgan Saylaugul Serikbayevani mindirişgan. Keyin Olmota-Termiz yönalişining 712-kilometriga olib borib, uning yonidagi pul va uyali telefonini tortib olişgan. Özini esa boşidagi römoli bilan böynidan böğib, qasddan öldirişgan.
2012 yil 8 mart – Suluşaş Akimbayeva
“Kirakaşlar”ning navbatdagi qotilligi ham Qozoğiston hududida amalga oşirilgan. 2012 yilning 7 mart kuni maşinasi bilan “Qoplonbek” bojxona-çegara maskani orqali Sarioğoçga ötgan Abduseit va Polatbay 8 mart kuni soat taxminan 10:30 larda Qoplonbek-Jibek ipak yöli yönalişi böylab taksi töxtatib turgan ayolni körib qolişadi. Bu ayol 1972 yilda tuğilgan Suluşaş Akimbayeva edi.
Qotillar uning yonida töxtab, manzilga yetkazib qöyişlarini aytişadi. Yigitlarga işongan ayol maşinaga ötiradi. Qora “Mersedes-Benz” bu safar Olmota-Termiz yönalişi böylab Çimkent şahri tarafga harakatlanib borardi. Maşina kimsasiz manzilga borib töxtaganida Suluşaş Akimbayeva qarşisida kimlar turganini biladi. Ammo keç edi: ayol öz sumkasining uşlagiçi bilan böğib öldiriladi hamda yonidagi pul va buyumlari olinib, murdasi yöl çetiga taşlab ketiladi.
2012 yil 9 aprel – Marina Fok
“Kirakaş” qotillarning sönggi qurboni 22 yoşli Ukraina fuqarosi Marina Fok böladi. 2012 yilning 9 aprel kuni Abduseit va Polatbay eski manzil – Zangiota tumanidagi “Ğiştköprik” bojxona-çegara maskaniga borişadi. Ular bojxona maskani orqali Qozoğistondan Özbekiston hududiga yolğiz ötib kelayotgan Marina Fokni körişadi.
Ayol Toşkent şahri Olmazor tumani Qora-qamiş 2/4-dahasida yaşab kelgan. U öşa kuni ham yaşaş manziliga borayotgandi. Ammo uyigaça yetolmaydi: ayolning yölini qotillar tösgandi.
Yigitlar Marina Fokni bungaça önta qotillikni “körgan” “Mersedes-Benz” maşinasiga mindirib, yölga çiqişadi. Lekin manzilga emas, aylanma yöllar orqali Ohangaron tumani Döstlik qişloğidagi kimsasiz dala maydoniga borişadi. Marinaning qarşilik qilişiga, yalinib-yolvorişiga qaramasdan avvaliga uni zörlaşadi, söngra sumka uşlagiçi bilan böğib öldirişadi. Işlari bitgaç, Marinaning yonidagi pul va buyumlarini olib, voqea joyidan yaşirinişadi.
Sud va jazo
Sud jarayonida ikki qotilning qilmişlari guvohlarning körsatmalari, köplab ekspertiza natijalari va boşqa dalillar bilan öz isbotini topgan.
Jinoyat işlari böyiça Toşkent viloyati sudining 2012 yil 30 noyabrdagi hukmi bilan Abduseit Ormanovga umrbod ozodlikdan mahrum qiliş jazosi tayinlangan.
Polatbay Berdaliyev esa Janubiy-Qozoğiston viloyati jinoyat işlari böyiça ixtisoslaştirilgan mintaqalararo sudining 2013 yil 30 yanvardagi hukmi bilan umrbod ozodlikdan mahrum qiliş jazosiga tortilgan.
Ruslan Saburov,
Kun.uz
Material Oliy sud matbuot xizmati bilan hamkorlikda tayyorlandi.
