Toshkent viloyatida yer sotishga aralashgan hokim yordamchisi qo‘lga olindi.
Foto: Videodan kadr
Toshkent shahrining Yunusobod tumanida yashovchi, muqaddam sudlangan shaxs Toshkent viloyati Ohangaron tumani “Ilg‘or” MFY hududida joylashgan va davlat zaxirasida bo‘lgan 10 gektar yer maydonini “O‘zbekiston - 2030” strategiyasi 67-bandi ijrosi doirasida 10 yil muddatga ijaraga olib berish evaziga tadbirkordan 80 ming AQSh dollari olgan vaqtida ushlandi.
Tergovga qadar tekshiruv davomida, u mazkur pul mablag‘idan 15 ming AQSh dollarini Ohangaron tumani “Ilg‘or” mahalla fuqarolar yig‘inidagi hokim yordamchisiga berishi kerakligi aniqlangan.
DXX xabarida qayd etilishicha, ushbu mansabdor shaxs ham so‘ralgan pulni olgan vaqtida ushlangan.
