O‘zbekistonga davolanish maqsadida eng ko‘p tojikistonliklar kelyapti

2023 yilda jami 61,3 ming nafar chet el fuqarolari davolanish maqsadida O‘zbekistonga tashrif buyurgan.

Statistika agentligi ma’lumotlariga ko‘ra, O‘zbekistonga 2023 yilda davolanish maqsadida eng ko‘p tashrif buyurgan davlatlar fuqarolari soni bo‘yicha Tojikiston yetakchilik qilmoqda – 43,2 ming nafar.

Undan keyingi o‘rinlardan davolanish maqsadida mos ravishda 10,7 ming nafar va 5,5 ming nafar fuqarosi tashrif buyurgan Qozog‘iston hamda Qirg‘iziston joy oldi.

Ushbu ko‘rsatkich qolgan davlatlar kesimida quyidagicha ko‘rinish oldi:

• Rossiya – 1,1 ming nafar;
• Turkmaniston – 0,6 ming nafar;
• boshqa davlatlar – 0,2 ming nafar.