Britaniyada O‘zbekistonning halol mahsulotlarini ommalashtirish rejalashtirilyapti

O‘zbekiston elchixonasida British Islamic Trade Association tashkilotining ijrochi direktori Eman Mustafa bilan uchrashuv o‘tkazildi, deb xabar bermoqda «Dunyo».

Suhbat davomida Eman Mustafa British Islamic Trade Association tomonidan tashkil etiladigan yirik ko‘rgazmalarda O‘zbekiston kompaniyalarining (halol mahsulot ishlab chiqaruvchi hamda sayyohlik) ham ishtirokini ta’minlash ikki tomonlama savdo-iqtisodiy aloqalarga ijobiy ta’sir etishi haqida ta’kidlab o‘tdi.

Uchrashuv yakunida Britaniya musulmon ommasiga O‘zbekiston turizm salohiyatini keng targ‘ib qilish, hamkorlikda targ‘ibot-tashviqot ishlarini olib borish hamda Britaniyadagi halol turizm festivallarida mamlakatimiz tur kompaniyalari ishtirokini ishlab chiqish bo‘yicha kelishuvga erishildi.