“Tashkent city” hududidagi binoning 15-qavatidan odam qulab tushgani haqidagi xabar rad etildi

Ijtimoiy tarmoqlarda "Tashkent city" hududidagi binoning 15-qavatidan odam qulab tushgani haqida xabarlar tarqaldi. 

Holat yuzasidan Favqulodda vaziyatlar vazirligi rasmiy munosabat bildirdi.

Unda aytilishicha, 28 yanvar kuni FVV Maxsus vazifalar bo‘yicha respublika qutqaruv markazi shaxsiy tarkibi tomonidan tegishli tashkilotlar bilan hamkorlikda favqulodda vaziyatlarning oldini olish, yong‘in xavfsizligini ta’minlash va sodir bo‘lganda to‘g‘ri harakt qilish bo‘yicha rejaviy maxsus-taktik o‘quv mashqi o‘tkazilgan. 

Unda jabrlanganlarni xavfsiz joyga olib chiqish, birinchi tibbiy yordam ko‘rsatish hamda yong‘inlar va avariya oqibatlarini bartaraf etish bo‘yicha amaliy harakatlar bajarilgan. O‘quv mashg‘ulotlari davomida hech kim jabrlanmagan.