Yangi Angren IES havoni ifloslantirgani uchun 1 mlrd so‘m to‘laydigan bo‘ldi

Toshkent viloyati Ekologiya boshqarmasi tomonidan Yangi Angren IESda tekshirish olib borilgan. Bu haqda boshqarma matbuot xizmati xabar berdi.

Ma’lum qilinishicha, IYeSda mutaxassislar tomonidan o‘tkazilgan tekshirish davomida atmosfera havosiga tashlanayotgan zararli moddalar belgilangan me’yorlarga nisbatan yuqori ekanligi aniqlangan. Chang gaz tozalash uskunalari (filtirlari) samaradorligi esa 80 foizga tushib ketganligi ma’lum bo‘lgan

Mazkur holat bo‘yicha atmosfera havosini zararli moddalar bilan ifloslantirganlik uchun 887 mln so‘m, sanoat chiqindilarini belgilanmagan joyga tashlaganlik uchun 116 mln so‘m kompensatsiya hisoblangan. Shuningdek, 11 nafar mansabdor shaxsga nisbatan tegishli choralar ko‘rish yuzasidan huquqni muhofaza qilish organlariga murojaat qilingan.

Oldinroq Toshkent IES mazut yoqib havoni ifloslantirgani uchun 1 mlrd so‘m to‘lashi xabar qilingandi.