870 mln so‘mlik shakarning bojxona orqali noqonuniy olib o‘tilishiga chek qo‘yildi

“Yangiyo‘l” TIF bojxona post xodimlari tomonidan Zangiota tumanida joylashgan “O‘rtaovul temir yo‘l” stansiyasiga kirib kelgan temiryo‘l tarkibi “O‘rtaovul Log” bojxona omborida tovarlar ortilgan temiryo‘l vagoni bojxona nazoratidan o‘tkazilgan. 

Natijada yo‘l yuk-kuzatuv hujjatlarida ko‘rsatilmagan kepak orasiga xufiyona yashirilgan 870 mln so‘mlik 58 tonna shakar borligi aniqlangan. Mazkur tovarlarni noqonuniy yo‘llar bilan olib kirish orqali davlat budjetiga 690,4 mln so‘mlik bojxona to‘lovlarini to‘lashdan qochishga urinish rejasi amalga oshmadi. 

Hozirda holat yuzasidan tekshiruv ishlar olib borilmoqda.