O‘zbekiston elchixonasida Britaniyaning Lapwing kompaniyasi rahbari Dermot Mayyers bilan uchrashuv bo‘lib o‘tdi.
Foto: «Dunyo» AA
«Dunyo» xabariga ko‘ra, tomonlar O‘zbekistonda data-markaz tashkil etish bo‘yicha sarmoyaviy loyihani amalga oshirish istiqbollari muhokama qildi.
Dermos Moyyersning aytishicha, britaniya tomoni O‘zbekistonning investitsiyaviy jozibadorligidan kelib chiqib, ushbu g‘oyani Markaziy Osiyo davlatlari orasida aynan respublikada amalga oshirishga qaror qilgan.
Britaniyalik hamkorlar data-markazni Toshkent yoki Sirdaryo viloyatida BAAning Gulf Data Hub kompaniyasi bilan hamkorlikda tashkil etish imkoniyatlarini o‘rganmoqda.
O‘zbekiston hududida data-markaz tashkil etilsa, tijorat banklari, TMK va AKT kompaniyalari uchun «bulutli zaxirada» ma’lumotlarni saqlash imkoniyati paydo bo‘ladi.
