Greta Tunberg Shvetsiya parlamenti oldidagi aksiyadan chetlashtirildi

Stokholm politsiyasi faollar parlament binosi oldida namoyish o‘tkazishga haqli ekanini tan oldi. Biroq ularning bir nechasi, jumladan Greta Tunberg ham kirishni to‘sib qo‘ygani uchun tadbirdan chetlashtirildi.

Foto: Samuel Steen/AFP/TT News Agency

Shvetsiya politsiyasi taniqli iqlim faoli Greta Tunberg va «Kelajak uchun juma» iqlim harakatining boshqa a’zolarini Stokholmdagi mamlakat parlamentidan olib ketdi. Mahalliy matbuotning 12 mart, seshanba kuni xabar berishicha, ikki politsiyachi 21 yoshli Tunbergni u to‘sib turgan bino kirish eshigidan taxminan 20 metr nariga sudrab ketgan.

Keyin Tunbergni politsiya mashinasida olib ketildi. TT xabariga ko‘ra, bir necha kishi qisqacha so‘roq qilingan. Stokholm politsiyasining aytishicha, faollar parlament binosi oldida namoyish o‘tkazish huquqiga ega bo‘lsa-da, besh-o‘nga yaqin namoyishchi kirishni to‘sib qo‘ygani uchun chetlashtirilgan.

Parlament binosi oldidagi aksiya bilan asosan yosh faollar jamoatchilik e’tiborini iqlim o‘zgarishi va o‘tkir ijtimoiy inqiroz oqibatlariga qaratishga harakat qildi.

#Shvetsiya #Greta Tunberg