Rossiya Taşqi işlar vazirligining Kiyevning Rossiya Federatsiyasi hududidagi teraktlarga aloqadorligi haqidagi bayonoti, şuningdek, Ukraina Xavfsizlik xizmati («SBU») rahbari Vasiliy Malyukni hibsga oliş talablari ahamiyatsiz. Bu haqda «SBU» matbuot xizmati 31 mart, yakşanba kuni «Ukrainska pravda»ga bergan izohida ma’lum qildi.
«Xalqaro huquq me’yorlariga, xususan, terrorizmga qarşi kuraş töğrisidagi konvensiyaga murojaat qilişga urinib, Rossiya TIV Putin xalqaro qidiruvga berilganini unutib qöydi», — deyiladi «SBU» bayonotida. Departament eslatişiça, Haagadagi Xalqaro jinoiy sud Rossiya rahbariyatini bolalarni Ukrainadan noqonuniy ravişda deportatsiya qilişda ayblamoqda.
«SBU» Rossiya Federatsiyasining rus qöşinlari Buçadan olib çiqib ketilganining yilligi munosabati bilan terrorizm haqidagi bayonotlarini e’lon qilganini, keyinçalik yuzlab öldirilgan tinç aholi jasadlari topilganini juda örinsiz deb atadi.
«Şuning uçun Rossiya Taşqi işlar vazirligining har qanday sözlari ahamiyatsiz. Rossiya Federatsiyasi haqiqatda e’tiborga sazovor bölgan faqat bitta bayonot berişi mumkin - uruşda mağlubiyatga uçragani va qöşinlar Ukraina tuproğidan olib çiqib ketilgani haqida butun dunyoga e’lon qiliş», - deya qöşimça qildi idora.
Rossiya TIV Ukrainadan «SBU» rahbarini hibsga olişni talab qildi
Şu kuni Rossiya Taşqi işlar vazirligi bayonot tarqatib, Rossiya tomoni ötkazgan tergov harakatlari göyoki Rossiya Federatsiyasi hududida harbiy rahbarlarga suiqasd uyuştiriş, Qrim köprigini buziş va 22 mart kuni Moskva yaqinidagi «Krokus Siti Xoll»da sodir etilgan terakt Ukraina bilan boğliqligini körsatganini bildirgan. Şu munosabat bilan departament Ukraina hukumatiga terrorizmga qarşi kuraş böyiça xalqaro konvensiyalarga tayanib, «uşbu teraktlarda iştirok etgan barça şaxslarni zudlik bilan hibsga oliş va ekstraditsiya qiliş» talablarini taqdim etdi.
Boşqa narsalar qatorida, Moskva «SBU» boşliği Vasiliy Malyukni hibsga olişni talab qildi, u Rossiya TIV ma’lumotlariga köra, «Ukraina tomonidan 2022 yil oktyabr oyida Qrim köprigini buzişda qatnaşgan va Rossiya Federatsiyasidagi boşqa teraktlar taşkiloti tafsilotlarini oşkor qilgan».
