Komiljon Karimov va Shahloxon Turdiqulova boshqa ishga o‘tkazilgan.
Komiljon Karimov oliy ta’lim, fan va innovatsiyalar vazirining birinchi o‘rinbosari lavozimini tark etdi.
Kun.uz manbasiga ko‘ra, u Toshkent shahridagi Xalqaro Vestminster universiteti rektori lavozimiga qaytgan.
Komiljon Karimov ko‘p yillar davomida O‘zbekiston TIV tizimida faoliyat yuritgan, 2015–2020 yillarda Toshkent shahridagi Xalqaro Vestminster universiteti rektori sifatida faoliyat ko‘rsatgan, 2020–2021 yillarda Jahon iqtisodiyoti va diplomatiya universiteti rektori lavozimida ishlagan, 2021 yil iyunida oliy va o‘rta maxsus ta’lim vazirining birinchi o‘rinbosari (2023 yil yanvaridan oliy ta’lim, fan va innovatsiyalar vazirining birinchi o‘rinbosari) etib tayinlangandi.
U yangi lavozimda Bahrom Mirqosimovni almashtirdi, Mirqosimov 2020 yil sentabridan buyon Xalqaro Vestminster universitetiga rektorlik qilayotgandi.
Shuningdek, Shahlo Turdiqulova ham oliy ta’lim, fan va innovatsiyalar vazirining o‘rinbosari lavozimidan ketgan.
U Fanlar akademiyasining vitse-prezidenti lavozimida ish boshlaydi.
Shahlo Turdikulova O‘zbekiston Respublikasi Fanlar akademiyasi vitse-prezidenti lavozimini egallagan birinchi ayol bo‘ldi.
Shahloxon Turdiqulova 2018–2020 yillarda Innovatsion rivojlanish vazirligi huzuridagi Ilg‘or texnologiyalar markazi direktori bo‘lgan, 2020 yil oktyabridan 2021 yil apreliga qadar Innovatsion rivojlanish vazirining birinchi o‘rinbosari, 2021 yil aprelidan 2023 yil yanvariga qadar vazir o‘rinbosari bo‘lgan, 2023 yil yanvaridan buyon oliy ta’lim, fan va innovatsiyalar vaziri o‘rinbosari lavozimida ishlab kelayotgandi.
