O‘zbekiston | 11:43 / 24.06.2024
7956
2 daqiqa o‘qiladi

Foto: Mo‘g‘uliston prezidenti Ko‘ksaroy qarorgohida tantali kutib olindi

Dushanba kuni Shavkat Mirziyoyev Mo‘g‘uliston prezidenti Uxnaagiyn Xurelsuxni Ko‘ksaroy qarorgohida kutib oldi.

23 iyun kuni O‘zbekistonga tashrif buyurgan Mo‘g‘uliston prezidenti Uxnaagiyn Xurelsux tashrifning ertasi kuni Ko‘ksaroy qarorgohida rasmiy kutib olindi. O‘zbekiston prezidenti matbuot xizmati marosim aks etgan suratlarni e’lon qildi.

Uchrashuv vaqtida qarorgoh oldidagi maydonda faxriy qorovul saf tortdi.

O‘zbekiston prezidenti Shavkat Mirziyoyev oliy martabali mehmonni samimiy kutib oldi va shohsupaga taklif qildi. Harbiy orkestr ikki mamlakat davlat madhiyalarini ijro etdi.

Yetakchilar faxriy qorovul safi oldidan o‘tib, rasmiy delegatsiyalar a’zolarini qutladilar.

Birgalikda suratga tushish marosimidan so‘ng oliy darajadagi muzokaralar boshlandi.

Eslatib o‘tamiz, ikki tomon Toshkent shahrida oliy darajadagi muzokaralar o‘tkazishi ko‘zda tutilgan. O‘zbekiston-Mo‘g‘uliston do‘stlik va ko‘p qirrali hamkorlik munosabatlarini yanada kengaytirish va mustahkamlash masalalari ham ko‘rib chiqiladi. Uxnaagiyn Xurelsux Xiva shahriga ham tashrif buyuradi.

Mavzuga oid