Qoʻshimcha funksionallar
-
Tungi ko‘rinish
Surxondaryoda aholi xonadoniga kirib qolgan bo‘ri tabiatga qaytarildi
Denov tumanida yashovchi fuqaro uyiga kelib qolgan bo‘rini bir necha kun boqib, so‘ng uni Ekologiya boshqarmasi xodimlariga topshirgan.

Foto: Ekologiya vazirligi
Surxondaryoda aholi xonadoniga kirib qolgan bo‘ri tabiat bag‘riga qaytarilgan. Bu haqda viloyat Ekologiya boshqarmasi axborot xizmati xabar bermoqda.
Ma’lum qilinishicha, joriy yil iyul oyi boshlarida Denov tumani Ibn Sino mahallasida yashovchi fuqaro M.I. ning xonadoniga bo‘ri hayvoni kirib qoladi.
Fuqaro M.I. bo‘riga odamlar tomonidan zarar yetmasligi uchun uni parvarish qila boshlaydi. So‘ng u viloyat Ekologiya boshqarmasi ishonch telefoniga murojaat qiladi.
Aholining murojaatiga asosan viloyat Ekologiya boshqarmasi, Milliy gvardiya viloyat bo‘yicha boshqarmasi hamda Yuqori To‘palang milliy tabiat bog‘i xodimlari hamkorligida o‘rganish ishlari olib boriladi.
Bo‘ri tegishli tartibda fuqarodan olinib, uning salomatligi mutaxassislar tomonidan ko‘zdan kechirilgan. So‘ng u Yuqori To‘palang milliy tabiat bog‘i hududiga, tabiat qo‘yniga qo‘yib yuborilgan.
Mavzuga oid

23:11 / 23.07.2025
Surxon davlat qo‘riqxonasida yirik yong‘in boshlandi

10:08 / 16.07.2025
Surxondaryoda bo‘g‘ma va kobra ilonlar tabiatga qo‘yib yuborildi

14:44 / 14.07.2025
Surxondaryoda uchta yangi sayyohlik markazi barpo etiladi

20:36 / 04.07.2025