Samarqandda dalahovlisida 670 tup kannabis o‘stirayotgan shaxs ushlandi
Shuningdek kannabis o‘stirilayotgan joydan 15 kg marixuana giyohvandlik moddasi ham topilgan.

Foto: Videodan kadr
Samarqand viloyatida dalahovlisida kannabis o‘stirayotgan shaxs ushlangan. Bu haqda viloyat IIB axborot xizmati xabar byermoqda.
Ma’lum qilinishicha, 2024 yil 1 avgust kuni viloyat IIB, DXX va bojxona boshqarmasi xodimlari hamkorlikda Samarqand tumani Yangiariq mahallasida tezkor tadbir o‘tkazgan.
Tadbirda 1976 yilda tug‘ilgan shaxs dalahovlisida 670 tup kannabis giyohvandlik o‘simligini parvarishlab kelayotgani aniqlangan. Shuningdek, dalahovlida 15 kg marixuana giyohvandlik moddasi topilgan.
Tezkor tadbir davomida dalahovlida bo‘lgan yana uch kishining holatga aloqadorligini tekshirish ishlari olib borilmoqda.
Aniqlangan holat yuzasidan Samarqand viloyat IIB huzuridagi Tergov boshqarmasi tomonidan Jinoyat kodeksining 270-moddasi 2-qismi “b” bandi va 273-moddasi 5-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga oid

18:59 / 13.02.2025
Samarqandda avtobus ag‘darilishi oqibatida 22 kishi jarohatlangani ma’lum bo‘ldi

16:11 / 06.02.2025
Samarqandda yana bir haydovchi YPX xodimini mashinasida sudrab ketdi

13:55 / 02.02.2025
Samarqandda mashinasini YPX xodimi ustiga haydagan haydovchi qamoqqa olindi

09:42 / 10.01.2025