Litva Rossiya qöşinlarini Kaliningrad viloyatidan bir haftadan ortiq vaqtdan beri Ukraina armiyasining hujumi davom etayotgan Kurskka ötkazayotganini ta’kidladi. Litva mudofaa vaziri Laurinas Kasçyunas 14 avgust, çorşanba kuni BNS agentligiga bergan intervyusida u yerda joylaşgan bölinmalarning bir qismi Rossiya eksklavidan olib çiqilganini aytdi. 

«Ularga köproq resurslar kerak, şuning uçun ularni boşqa mintaqalardan olib çiqişga harakat qilmoqda», dedi u. U Rossiya qöşinlari harakatining boşqa tafsilotlarini keltirmadi. 

Litva Mudofaa vazirligi rahbari Zelenskiy bilan uçraşdi

Bir kun avval Litva Mudofaa vazirligi rahbari Kiyevda Ukraina prezidenti Volodimir Zelenskiy bilan uçraşdi. Uçraşuvda u, şuningdek, Kaliningrad viloyatidan Kurskka qöşinlar majburan ötkazilayotganini ma’lum qildi. Kiyev tomonidan e’lon qilingan uçraşuvning videoyozuvida Kasçyunas «Ukraina harbiylari jasorati va Ukraina rasmiylari qarorlari tufayli» amalga oşirilayotgan Kaliningrad viloyati «demilitarizatsiyasi» haqida e’lon qildi. 

Kasçyunas sözlariga köra, Ukraina Qurolli kuçlarining Rossiya hududiga hujumi Ukraina uçun katta ramziy ahamiyatga ega. «Birinçidan, bu ruhiy yutuq, bu, albatta, juda muhim», - deya tuşuntirdi u. 

Rossiya tomonidan Kaliningraddan qöşinlar yuborilişi haqida heç qanday ma’lumot taqdim etilmadi.

Ukraina Qurolli kuçlarining Kursk oblastidagi hujumi 

Ukraina Qurolli kuçlari 6 avgust kuni Rossiyaning Kursk oblastiga hujum boşladi. Ukraina Qurolli kuçlari boş qömondoni Oleksandr Sirskiy 12 avgust kuni Ukraina armiyasi qariyb 1000 kvadrat kilometr Rossiya hududini nazorat qilayotganini aytdi. Janglar Korenev va Sudja rayonlari hamda Belovskiy rayonida davom etmoqda.

Bloomberg agentligi Rossiya Qurolli kuçlarida Kursk viloyati mudofaasi uçun kadrlar yetişmayotganini qayd etib, 2024 yil oxirigaça safarbarlik e’lon qilinişi mumkinligi haqida yozdi. Şuningdek, ommaviy axborot vositalari Murmanskdan Kursk viloyatiga harbiy xizmatga çaqiriluvçilar köçirilişi, çaqiriluvçilar Mudofaa vazirligi bilan şartnoma imzolaşga majburlanayotgani haqida ham ma’lum qildi.