AQShda asli o‘zbekistonlik 16 yoshli o‘smir avtohalokat tufayli vafot etdi

Mahalliy nashrlarga ko‘ra, Umidjon oilada yolg‘iz farzand bo‘lib, onasi bilan birga yashagan. Uning vafot etgani yaqinlarini chuqur qayg‘uga solgan.

Kuzatuv kameralariga ko‘ra, dushanba kuni sodir bo‘lgan avariyada skuter va yuk mashinasi chorrahadan o‘ngga burilib ketayotganda to‘qnashib ketgan. Jo‘rayevning do‘stlaridan biri olgan jarohatlari tufayli shifoxonada, ikkinchisi esa yengil jarohatlar bilan voqea joyida o‘ziga kelgan.

Nyu-York politsiyasining ma’lum qilishicha, yuk mashinasi voqea joyida qolmoqda, uning 48 yoshli haydovchisi esa so‘roq qilingan. Hozircha hech kim hibsga olinmagan va haydovchiga hech qanday ayblov qo‘yilmagan.

Umidjonning do‘stlari marhumga hurmat bajo keltirish uchun Kensingtondagi masjidga yig‘ildi. Ular sinfdoshi quvnoq bo‘lgani va butun sinfni doimo kuldirib yurgani haqida aytishgan. Shuningdek, uni futbol va video o‘yinlarni yaxshi ko‘rishi haqida eslashgan.