O‘zbekiston va Qozog‘iston havo hududi himoyasi bo‘yicha qo‘shma mashg‘ulot o‘tkazdi
O‘zbekiston va Qozog‘iston havo hududini himoya qilish bo‘yicha qo‘shma mashg‘ulotlar doirasida havo mudofaasi vositalaridan birgalikda foydalanish tartibini ishlab chiqdi.
10−14 sentabr kunlari O‘zbekiston va Qozog‘iston harbiy-havo kuchlari harbiy xizmatchilari va havo hujumidan mudofaa mutaxassislari ishtirokida «Ashiq aspan» («Ochiq osmon») xalqaro tezkor-taktik qo‘mondonlik-shtab o‘quv mashg‘ulotlari bo‘lib o‘tmoqda.
Mashg‘ulotlar do‘st davlatlarning harbiy qo‘mondonlik va boshqaruv organlarining hamjihatligini oshirish, havo hujumiga qarshi mudofaa kuchlari va vositalaridan birgalikda foydalanish masalalarini ishlab chiqish, harbiy xizmatchilarning alohida jangovar vazifalarni bajarishda harbiy qismlarni boshqarish bo‘yicha amaliy ko‘nikmalarini shakllantirishga qaratilgan.
Mashg‘ulotlarda vertolyotlar, armiya va harbiy transport samolyotlari, shuningdek, havo hujumidan mudofaa qo‘shinlarining kuch va vositalari ishtirok etmoqda.
Mashg‘ulotlarning o‘ziga xos jihati davlat chegarasi yoki havo hududidan foydalanish qoidalari buzilgan taqdirda havo hujumidan mudofaa kuchlari jangovar ekipajlarining qo‘shni davlatlar (Qirg‘iziston, Tojikiston va O‘zbekiston) qo‘mondonlik punktlari va boshqaruv punktlari bilan o‘zaro hamkorligi tartibini ishlab chiqish bo‘ldi.
Mavzuga oid
12:30 / 17.09.2024
Shols Qozog‘istonda hamkorlikni kuchaytirish rejalari haqida ma’lum qildi
08:15 / 17.09.2024
Shavkat Mirziyoyev amaliy tashrif bilan Qozog‘istonga jo‘nab ketdi
18:55 / 16.09.2024
Shavkat Mirziyoyev «Markaziy Osiyo – Germaniya» sammitida ishtirok etadi
19:02 / 14.09.2024