15 oktyabr kuni Toshkentda boshlangan konferensiya 16 oktyabr kuni Xiva shahrida yakunlandi. Sammitda Islom olamining ko‘zga ko‘ringan ulamolari, muftiylar, din arboblari va xalqaro tashkilot rahbarlari ishtirok etdi. Tashkilotchilarga ko‘ra, konferensiyadan ko‘zlangan asosiy maqsad – shiddatli globallashuv sharoitida Islom dini qadriyatlari, uning tinchlikparvarlik mohiyatini keng targ‘ib qilish, yoshlarni diniy bag‘rikenglik va umuminsoniy qadriyatlarga hurmat ruhida tarbiyalashdan iborat.

Kun.uz muxbiri konferensiyaning Toshkent shahridagi tadbirlarida bo‘lib, fotoreportaj tayyorladi.

Shayx Muhammad Avvoma – Ibn Xaldun universiteti doktori, zamonamizning eng yirik muhaddis ulamosi.
Muftiy Muhammad Taqiy Usmoniy – Dorul ulum Karachi Islom universiteti professori, zamonamizning mujtahid olimi.
Mavlono Arshad Madaniy – Dorululum Devband madrasasi mudiri, Hind ulamolari jamiyati raisi.
Shayx Ali Muhyiddin Qoradog‘iy – Butunjahon musulmon ulamolari uyushmasi raisi, Qatar universiteti Shariat va islomshunoslik fakulteti professori.
Doktor Muhyiddin Muhammad Avvoma – Dorul hadis al-Avvomiya markazi raisi.
Shayx Abdurahmon Abdulloh al-Zayd — Islom Olami uyushmasi Bosh kotibi o‘rinbosari, Islom fiqhi uyushmasi bosh kotibi